ШҚО орман шаруашылығы және жануарлар дүниесі аумақтық инспекциясы

Шығыс Қазақстан облысы әкімдігі


Басшысы: Ерлан Мейрамбекұлы Упобаев

Мекенжайы: Қазақстан Республикасы, ШҚО, , Өскемен қ., Мызы 2/1

Телефоны: 8-7232-24-84-70

Азаматтарды қабылдау: әр сейсенбі 15 – 17 сағатқа дейін

Қазақстан Республикасы Ауыл шаруашылығы министрлігі Орман шаруашылығы және жануарлар дүниесі комитетінің Шығыс Қазақстан облыстық орман шаруашылығы және жануарлар дүниесі аумақтық инспекциясы туралы ақпарат

«Қазақстан Республикасы Ауыл шаруашылығы министрлігі Орман шаруашылығы және жануарлар дүниесі комитетінің Шығыс Қазақстан облыстық орман шаруашылығы және жануарлар дүниесі аумақтық инспекциясы» республикалық мемлекеттік мекемесі (бұдан әрi – Инспекция) орман шаруашылығы, жануарлар дүниесiн қорғау, өсiмiн молайту және пайдалану, ерекше қорғалатын табиғи аумақтар саласында атқарушылық және бақылау функцияларын орындауға уәкілетті Қазақстан Республикасы Ауыл шаруашылығы министрлігі Орман шаруашылығы және жануарлар дүниесі комитетінің (бұдан әрі – Комитет) аумақтық бөлімшесі болып табылады. Инспекция Батыс Алтай және Марқакөл мемлекеттік табиғи қорықтарының, Қатонқарағай мемлекеттік ұлттық табиғи паркінің, "Семей орманы" мемлекеттік орман табиғи резерватының және Алтай ботаникалық бағының және Шығыс Қазақстан облысы әкімшілік шекарасының шегіндегі барлық балық шаруашылығы су айдындарында және (немесе) учаскелерінде (су қорғау белдеуі мен аймағын, жағалау жиегін және санитарлық қорғау аймағын қоса алғанда) қызметін бақылау мен қадағалауды, сондай-ақ үйлестіруді жүзеге асыруға уәкілетті.

Инспекцияның заңды орналасқан жері: Қазақстан Республикасы, 070004, Шығыс Қазақстан облысы, Өскемен қаласы, Мызы көшесі 2/1.

Инспекцияның мiндеттерi: орман шаруашылығы, жануарлар дүниесiн қорғау, өсiмiн молайту және пайдалану, ерекше қорғалатын табиғи аумақтар саласында атқарушылық және бақылау функцияларын орындау.

Инспекцияның функциялары:

1) жануарлар дүниесін қорғау, өсімін молайту және пайдалану, сондай-ақ ерекше қорғалатын табиғи аумақтар саласындағы мемлекеттік саясатты іске асырады;

2) мемлекеттік орман саясатын қалыптастыру бойынша ұсыныстарды әзірлеуге және оны іске асыруға қатысады;

3) орман қорын күзету, қорғау, пайдалану, ормандарды молықтыру және орман өсiру мәселелерi бойынша облыстардың, республикалық маңызы бар қалалардың, астананың орман шаруашылығымен айналысатын жергiлiктi атқарушы органдарын, сондай-ақ орман мекемелерi мен табиғат қорғау ұйымдарын үйлестiрудi және оларға әдістемелік басшылық жасауды жүзеге асырады;

4) облыстың, республикалық маңызы бар қаланың, астананың жергілікті атқарушы органының орман шаруашылығымен айналысатын құрылымдық бөлімшесі басшысының, сондай-ақ орман мекемелері мен табиғат қорғау ұйымдары басшыларының орман қорының жай-күйі, оны күзету, қорғау, пайдалану, ормандарды молықтыру және орман өсіру мәселелері жөніндегі есебін тыңдайды;

5) мемлекеттiк орман қоры учаскелерінде орман пайдалану құқығын, сондай-ақ өзінің қарауындағы ормандардың жай-күйiне және молықтырылуына қауiп төндiретiн жұмыстарды Қазақстан Республикасының заңнамасына сәйкес тоқтата тұрады, шектейдi, тоқтатады;

6) Қазақстан Республикасының орман заңнамасы, Қазақстан Республикасының жануарлар дүниесін қорғау, өсімін молайту және пайдалану, ерекше күзетілетін табиғи аумақтар саласындағы заңнамалары саласындағы әкiмшiлiк құқық бұзушылық туралы iстердi қарайды;

7) аумақтық бөлімшелермен келiсе отырып, облыстардың жергiлiктi атқарушы органдары жасаған есептеулер негiзiнде мемлекеттiк орман қоры учаскелерiнде орман пайдалану төлемақысының ставкаларын (түбiрiмен босатылатын сүрек үшiн белгiленетiн ставкаларды қоспағанда) бекiтедi;

8) ормандарды орман зиянкестері мен ауруларынан қорғау жөнiндегi іс-шаралардың орындалуын, орман зиянкестері мен аурулары ошақтарының, екпелердің табиғи, антропогендік сипаттағы қолайсыз әсерлерден қурап-солып қалуының пайда болуының, таралуының алдын алу, олардың есебін жүргізу мен болжаудың дәлдiгi жөнiндегi шаралардың дер кезінде қабылдануын мемлекеттік бақылауды және қадағалауды жүзеге асырады;

9) орман қорындағы сандық және сапалық өзгерістерге, оның санитариялық жай-күйiне мемлекеттік бақылау мен қадағалауды тексерулер арқылы жүзеге асырады;

10) мемлекеттік орман қоры учаскелерінде орман ресурстарын орман пайдалануға беру тәртібіне және ұзақ мерзімді орман пайдалану шарттарының сақталуына мемлекеттік бақылау мен қадағалауды тексерулер арқылы жүзеге асырады;

11) ормандарда өрт қауіпсіздігі талаптарының, орман өрттерінің алдын алу жөніндегі, оларды уақтылы байқауды және жоюды қамтамасыз ету жөніндегі іс-шаралардың орындалуына, сондай-ақ өртеңдер алқаптарын есепке алудың дәлме-дәлдігіне және мемлекеттік орман қорына өрттен келтірілген залалды анықтауға, орман өрттерінің салдарларын жою жөнінде қолданылған шаралардың уақтылығына мемлекеттік бақылау мен қадағалауды тексерулер арқылы жүзеге асырады;

12) ерекше қорғалатын табиғи аумақтар мен мемлекеттiк табиғи-қорық қоры объектiлерiнiң жай-күйiне, күзетiлуiне, қорғалуына және пайдаланылуына мемлекеттiк бақылауды және қадағалауды жүзеге асырады;

13) кеспеағаштардың бөлінуіне мемлекеттік бақылауды және қадағалауды жүзеге асырады;

14) мемлекеттік орман қоры учаскелерінде сүректі түбірімен босату мен ағаш кесу қағидаларының, орман пайдаланудың өзге де қағидаларының сақталуына мемлекеттік бақылауды және қадағалауды жүзеге асырады;

15) ерекше қорғалатын табиғи аумақтар ормандарындағы күзет режимдерінің сақталуын мемлекеттік бақылауды және қадағалауды жүзеге асырады;

16) мемлекеттік орман қоры учаскелерінде орман тұқымдарының аудандастырылуына, орман тұқымдарын дайындау, өңдеу, сақтау мен пайдалану және олардың сапасын бақылау қағидаларының сақталуына, питомниктер шаруашылығының жүргізілуіне мемлекеттік бақылауды және қадағалауды жүзеге асырады;

17) орман қоры жерлерiнiң олардың нысаналы мақсатына сәйкес пайдаланылуын және осы жерлердің қорғалуын мемлекеттік бақылауды және қадағалауды жүзеге асырады;

18) құрылыс жұмыстары, пайдалы қазбаларды өндіру, коммуникацияларды тарту және орман шаруашылығын жүргізумен және орман пайдаланумен байланысты емес өзге де жұмыстарды орындау кезінде мемлекеттік орман қорын пайдалану тәртiбiнiң сақталуын мемлекеттік бақылауды және қадағалауды жүзеге асырады;

19) Қазақстан Республикасының жануарлар дүниесін қорғау, өсімін молайту және пайдалану саласындағы заңнамасы талаптарының сақталуын айқындау мақсатында жануарлар дүниесін пайдаланушылардың қызметін тексереді;

20) балық шаруашылығы су айдындарының резервтiк қорында және (немесе) учаскелерiнде және аңшылық алқаптарда жануарлар дүниесінің өсімін молайту мен мемлекеттік есепке алуды ұйымдастырады және қамтамасыз етедi;

21) жануарлар дүниесін қорғау, өсімін молайту және пайдалану саласындағы ғылыми-зерттеулер мен жобалау-іздестіру жұмыстарын жүргізуді ұйымдастырады және (немесе) қамтамасыз етеді;

22) жануарлар дүниесін мемлекеттік есепке алуды, оның кадастры мен мониторингін жүргізуді ұйымдастырады;

23) зоологиялық коллекциялар тізілімін жүргізеді, интернет-ресурста орналастырады және тоқсан сайын жаңартады;

24) балықтың қайдан ауланғаны туралы анықтама береді;

25) халықаралық шарттарды іске асыруды қоса алғанда, орман қатынастары, жануарлар дүниесін күзету, өсімін молайту және пайдалану, ерекше күзетілетін табиғи аумақтар саласында халықаралық ынтымақтастықты жүзеге асырады;

26) бақылау үшін аулауды, интродукциялау, реинтродукциялау және будандастыру мақсатында аулауды жүзеге асырады, балықтың қырылу қаупі бар су айдындарында және (немесе) учаскелерінде аулауды ұйымдастырады;

27) жануарларды интродукциялауды, реинтродукциялауды, және будандастыруды жүзеге асыру тәртібінің сақталуына мемлекеттік бақылауды және қадағалауды жүзеге асырады;

28) жануарлар дүниесін қорғау, өсімін молайту және пайдалану саласында мемлекеттік бақылауды және қадағалауды жүзеге асырады;

29) аң, балық шаруашылығын жүргізу қағидаларының сақталуын бақылауды жүзеге асырады;

30) аңшылық және балық аулау қағидаларының сақталуын бақылауды жүзеге асырады;

31) жануарлар дүниесін қорғау, өсімін молайту және пайдалану саласындағы нормативтердің сақталуын бақылауды жүзеге асырады;

32) жануарларды еріксіз немесе жартылай ерікті жағдайларда ұстау тәртібінің, сондай-ақ зоологиялық коллекциялардың сақталуын бақылауды жүзеге асырады;

33) жануарлар дүниесін қорғау, өсімін молайту және пайдалану жөніндегі іс-шаралардың орындалуын бақылауды жүзеге асырады;

34) жеке және заңды тұлғалардың аң және балық шаруашылығын жүргізу шартының талаптарын орындауын бақылауды жүзеге асырады;

35) жануарлар дүниесін пайдалануға белгіленген шектеулер мен тыйым салулардың сақталуын бақылауды жүзеге асырады;

36) жануарлар дүниесін күзету, өсімін молайту және пайдалану саласында жергілікті атқарушы органдарға мемлекеттік бақылау мен қадағалауды жүзеге асырады;

37) су жинау құрылыстарына балықтарды қорғау құрылғыларын орналастыруды келіседі;

38) балық шаруашылығы су айдындарында және (немесе) учаскелерінде балық аулауға тыйым салынған кезеңде, сондай-ақ балық аулауға тыйым салынған жерлерде қозғалтқыштары қосылған су көлігінің барлық түрлерінің жүруін келіседі;

39) "Жануарлар дүниесiн қорғау, өсiмiн молайту және пайдалану туралы" 2004 жылғы 9 шілдедегі Қазақстан Республикасының Заңы 17-бабының 1 және 2-тармақтарында көрсетілген шаруашылық және өзге де қызметті жүзеге асыратын субъектілер әзірлейтін техникалық-экономикалық негіздемені және жобалау-сметалық құжаттаманы келіседі;

40) биологиялық негіздеменің негізінде бекітіліп берілген балық шаруашылығы су айдынында және (немесе) учаскесінде пайдаланушылар арнайы пайдалану кезiнде жүргізген балық шаруашылығы мелиорациясын, балық ресурстарының және басқа да су жануарларының кәсіпшілік қорының деректерін жыл сайын түзетуді келіседі;

41) ғылыми ұсынымдар негізінде балықтардың болмай қоймайтын қырылуына әкеп соғатын қырылу қаупі туындаған және су объектілерін немесе олардың бөліктерін ағымдағы балық шаруашылық мелиорациялауды жүргізу жолымен мұндай қауіпті жою мүмкін болмаған жағдайларда балықтарды мелиорациялық аулау туралы шешім қабылдайды;

42) жергілікті маңызы бар балық шаруашылығы су айдындарының және (немесе) учаскелерінің тізбесін әзірлейді;

43) Қазақстан Республикасының жануарлар дүниесін қорғау, өсімін молайту және пайдалану саласындағы заңнамасының бұзылуы анықталған кезде Қазақстан Республикасының заңнамасында белгіленген тәртіппен жануарлар дүниесін пайдаланушының қызметін тоқтата тұрады немесе қызметіне тыйым салу туралы ұсыныс енгізеді;

44) жануарларды интродукциялауды, реинтродукциялауды және будандастыруды жүргізуге рұқсаттар береді.

Шығыс Қазақстан облыстық орман шаруашылығы және жануарлар дүниесі аумақтық инспекциясының жұмысы Комитет бекіткен жылдық жоспарға , сондай-ақ жергілікті атқарушы органдар, табиғат қорғау және құқық қорғау ведомстволары, Нұр Отан партиясымен өзара іс-қимыл жоспарына сай жүргізіледі. Инспекция жұмысында балықтың уылдырық шашуы, сондай-ақ өрт қаупі бар және жаңа жыл қарсаңы кезеңінде кең көлемдегі акцияларды өткізу бойынша облыстың мүдделі және уәкілетті органдарының бірлескен іс-қимыл жоспарының маңызы өте зор. ШҚО бойынша тұрақты жұмыс істейтін мүдделі органдардан   (прокуратура, ІІД, сыбайлас жемқорлықпен күрес бойынша ведомствоаралық бөлім, жедел отряд, Инспекция) тұратын мобильді топтар құрылған.

Шығыс Қазақстан облысының аумағында көлемі бойынша үшінші орында тұрған Қазақстан Республикасының балық шаруашылығы бассейні – Ертіс бассейні орналасқан, мұнда Республиканың жалпы орман қорының жартысынан астам қоры шоғырланған және бұл қор негізінен бағалы қылқан жапырақты тұқымдас – қарағай, шырша, балқарағай, сібір қарағайы сүректерінен тұрады. Сондай-ақ мұнда аңшылық алқаптар ауданы да үлкен.

Орман ресурстарын сақтау, жануарлар дүниесін тиімді пайдалану мен өсімін молайту бөлігінде бақылау-қадағалау функцияларын орындау мақсатында Инспекцияда 10 бөлім жұмыс істейді, олардың 6-уы жұмыстарын су айдынында жүзеге асырады. Инспекцияның штат саны 73 адамды құрайды.

Орман шаруашылығы бойынша.

2018 жылғы 1 қаңтардағы дерек бойынша орман қорының есебіне сай Шығыс Қазақстан облысының Мемлекеттік орман қорының ауданы 3705621га құрайды, оның ішінде орман көмкерген 2015263 га. Сүректің жалпы қоры 207,1 млн. куб.м құрайды.

Облыстың мемлекеттік орман қоры төмендегідей бөлінген:

- ШҚО әкімдігінің «Шығыс Қазақстан облысы табиғи ресурстар және табиғат пайдалануды реттеу басқармасы» ММ, құрамында 13 орман шаруашылығы коммуналдық мемлекеттік мекеме – ауданы  2153,0 мың га;

- «Марқакөл мемлекеттік табиғи қорығы» РММ – ауданы 102971га;

- «Батыс Алтай мемлекеттік табиғи қорығы» РММ – ауданы 86122 га;

- «Семей орманы» мемлекеттік орман табиғи резерваты» РММ, құрамында 10 филиал – ауданы 663578  га;

- «Қатонқарағай мемлекеттік ұлттық табиғи паркі» РММ – ауданы 643477 га;

- «Қазақстан Темір Жолы» ұлттық компаниясы Акционерлік қоғамы – мемлекеттік орман қорының ауданы 5121 га;

«ҚазАвтоЖол» ұлттық компаниясы Акционерлік қоғамының Шығыс Қазақстан филиалы -  3341 га.

Шығыс Қазақстан облысының орман ресурстары және ерекше қорғалатын табиғи аумақтары жағдайына бақылауды тиімді жүргізу үшін Инспекцияның орман және ерекше қорғалатын табиғи аумақтар бөлімінің     9 қызметкері жұмыс атқарады. Инспекция мамандары облыстың мемлекеттік орман және табиғи қорығы аумағында табиғат қорғау заңнамаларын сақтау мәселелері бойынша құқық қорғау органдарымен жүргізілетін тұрақты тексерулерге қатысады.

Аңшылық шаруашылығы бойынша:

Шығыс Қазақстан облысы 28 млн.300 мың.гектар жерді алып жатыр, оның ішінде аңшылық алқаптар 15 млн 934 мың гектарды  құрайды.

Облыс аумағында 57 аңшылық шаруашылығы бар, оның 31 шаруашылығы 15 аңшылық пайдаланушыға бекітіліп берілген және 12 млн 955 мың.га алып жатыр. 26 аңшылық шаруашылық резервтік қорда, аумағы   2 млн 978 мың. га құрайды. Аңшылық алқаптарды бекіту пайызы облыс бойынша 54 % құрайды.

Жануарлар дүниесі және аңшылық шаруашылығы бөлімінің сандық құрамы 5 қызметкерді құрайды. Бөлімнің жеке құрамымен Инспекцияның бақылаудағы аумағындағы жануарлар дүниесі және аңшылық шаруашылығы саласындағы табиғаи қорғау заңнамаларын сақтауға бақылау жүзеге асырылады.

Балық шаруашылығы бойынша:

Облыстың балық шаруашылығы өңірдің азық-түлік кешенінің дамуында маңызды роль ойнайды. Балық шаруашылығын дамыту үшін балық шаруашылығы су айдындары және оның балық қорлары база болып табылады, оған мынадай негізгі су айдындары жатады: ШҚО әкімшілік шекарасы шегінде Зайсан көлі, Бұқтырма, Шүлбі, Өскемен су қоймалары, Алакөл көлдері жүйесі   және ШҚО 100 жергілікті маңызы бар су  айдындары, олардың ішінде 73 жасанды су  айдыны, 27 табиғи жолмен пайда болған су айдыны, сондай-ақ Шығыс Қазақстан облысы әкімшілік шекарасының шегінде басқа су айдындары.

2018 жылдың 1 тоқсанындағы жағдай бойынша Шығыс Қазақстан облысының балық шаруашылығы су айдындарында халықаралық  және республикалық маңызы бар 57 учаске, олардың 30-ы бекітілген және 100 жергілікті маңызы бар су айдыны бар, олардың 23 бекітілген.

Инспекцияның бақылауындағы халықаралық  және республикалық маңызы бар су айдындарында кәсіпшілікпен 11 мынадай балық түрлері меңгеріледі: табан, көксерке, торта, алабұға, шортан, аққайран, мөңке, оңғақ, көкшұбар, нәлім, сазан (тұқы), оларды аулауға лимит ҚР Ауыл шаруашылығы министрінің тиісті бұйрығымен бекітіледі.

Балық шаруашылығы бөлімі. Бөлім 7 адамнан тұрады. Бөлімнің жеке құрамы Инспекцияның бақылауындағы аумақтарда балық қорғау заңнамасының сақталуын бақылауды жүзеге асырады, облыс аудандарында орналасқан инспекция бөлімдерінің қызметкерлеріне  практикалық, теориялық және басқа да көмектер көрсетеді.

Ішкі істер органдарымен, табиғат қорғау және басқа ұйымдармен бірге бірлескен іс-шараларды үйлестіру және орындау, бақылау-инспекциялық жұмыстар бойынша хат алмасуды жүргізу, жоғары тұрған органдарға, салық және басқа органдарға есептіліктің белгіленген нысандарын жасауды жүзеге асырады, сондай-ақ өндірістік мониторинг жүргізеді. Сонымен қатар бөлім инспекция бөлімдерінің қызметіне талдау жүргізеді.

Табиғат пайдаланушылардың балық өсіру, шабақтарды құтқару, балық шаруашылығы мелиорациясы және шарт талаптарын орындау бойынша  іс-шаралар мен міндеттемелерді орындауын бақылауды  жүзеге асырады.

Инспекция бөлімдері:

1. Солтүстік Шығыс Алакөл инспекциясы бөлімі, орналасқан орны Шығыс Қазақстан облысы, Үржар ауданы, Семушкин көш., 1-«Д». Қызметкерлер саны 5 адам. Бөлім Инспекцияның құзыреті шегінде бақылауындағы су айдындарында мемлекеттік бақылауды, сондай-ақ балық шаруашылығы субъектілерінің балық қорын қорғау, өсімін молайту және пайдалану жөніндегі шарттық міндеттемелерін, оның ішінде су айдындарының табиғи өсімін молайту жағдайларын жақсартуға және  балық өнімділігін арттыруға  бағытталған жұмыстарды орындауын бақылауды жүзеге асырады. Бөлімнің негізгі міндеттері балық ресурстарының және балық басқа су жануарларының өсімінің молаюын, пайдаланылуын, балық шаруашылығының жүргізілуін бақылауды жүзеге асыру болып табылады.  Бөлім қызметкерлері тұрғындар арасында  балық қорғау заңнамасы бойынша түсіндіру жұмыстарын жүргізеді.  Бөлім Шығыс Қазақстан әкімшілік шекарасы шегінде ШҚО Үржар ауданының басқа балық шаруашылығы су айдындарын қоса алғанда,  Алакөл көлдері тобында балық шаруашылығын мемлекеттік басқаруды жүзеге асырады.

2. Семей инспекциясы бөлімі, Орналасқан орны Семей қаласы, Өтепбаев көшесі, 4. Инспекцияның құрылымдық бөлімшесі болып табылады. Қызметкерлер саны 8 адам. Бөлім Инспекцияның құзыреті шегінде бақылауындағы су айдындарында балық шаруашылығы субъектілерінің балық қорын қорғау, өсімін молайту және пайдалану жөніндегі шарттық міндеттемелерін, су айдындарының табиғи өсімін молайту жағдайларын жақсартуға және  балық өнімділігін арттыруға  бағытталған өзге де жұмыстарды орындауына мемлекеттік бақылауды жүзеге асырады. Шүлбі су қоймасының сол және оң жағалаулары және бұрынғы Семей облысының   шекарасына жанаса жатқан және ШҚО Ұлан, Глубокое аудандарындағы  ішкі су айдындарын қоса алғанда, Украинка ауылынан Павлодар облысының әкімшілік шекарасына дейін Ертіс өзенінде  және бүкіл  Убі өзенінде балық шаруашылығын мемлекеттік басқаруды жүзеге асырады. Тұрғындар арасында  балық қорғау заңнамасы бойынша түсіндіру жұмыстарын жүргізеді.

3. Бұқтырма инспекциясы бөлімі. Орналасқан орны ШҚО, Зырян ауданының Октябрь кенті. Инспекцияның құрылымдық бөлімшесі болып табылады. Қызметкерлер саны 8 адам. Бөлім Инспекцияның құзыреті шегінде бақылауындағы су айдындарында табиғатты пайдаланушылардың балық қорын қорғау, өсімін молайту және пайдалану жөніндегі шарттық міндеттемелерін, су айдындарының табиғи өсімін молайту жағдайларын жақсартуға және  балық өнімділігін арттыруға  бағытталған өзге де жұмыстарды орындауына мемлекеттік бақылауды жүзеге асырады. Казнаковка өткелі учаскесінен Бұқтырма СЭС-іне дейін Бұқтырма су қоймасының сол және оң жағалаулары, сондай-ақ Өскемен су қоймасының барлық акваториясы  және жағалаудағы аудандардың жанаса жатқан және ішкі су айдындарын қоса алғанда, Өскемен СЭС-інен  төмен қарай Украинка ауылына дейін Ертіс өзенінде балық шаруашылығын мемлекеттік басқаруды жүзеге асырады. Тұрғындар арасында  балық қорғау заңнамасы бойынша түсіндіру жұмыстарын жүргізеді.

4. Көкпекті инспекциясы бөлімі, орналасқан орны ШҚО, Көкпекті ауданы, Тассай кенті, Әуезов көш., 9. Инспекцияның құрылымдық бөлімшесі болып табылады. Қызметкерлер саны 8 адам. Бөлім Инспекцияның құзыреті шегінде бақылауындағы су айдындарында табиғатты пайдаланушылардың балық қорын қорғау, өсімін молайту және пайдалану жөніндегі шарттық міндеттемелерін, су айдындарының табиғи өсімін молайту жағдайларын жақсартуға және  балық өнімділігін арттыруға  бағытталған өзге де жұмыстарды орындауына мемлекеттік бақылауды жүзеге асырады. Балық аулауға тыйым салынған солтүстік-батыс аймақты қоса алғанда, Ұлтарақ мүйісінен Қарақас учаскесіне дейін Зайсан өзенінің  сол жағалауы бойының аумағында, Қарақас учаскесінен Казнаковка өткеліне дейін Бұқтырма  су қоймасының  сол жағалауы бойында, сондай-ақ ШҚО Көкпекті ауданының ішкі су айдындарында балық шаруашылығын мемлекеттік басқаруды жүзеге асырады. Тұрғындар арасында  балық қорғау заңнамасы бойынша түсіндіру жұмыстарын жүргізеді.

5. Күршім инспекциясы бөлімі. Орналасқан орны ШҚО Күршім ауданы, Күршім ауылы. Инспекцияның құрылымдық бөлімшесі болып табылады. Қызметкерлер саны 9 адам. Бөлім Инспекцияның құзыреті шегінде бақылауындағы су айдындарында табиғатты пайдаланушылардың балық қорын қорғау, өсімін молайту және пайдалану жөніндегі шарттық міндеттемелерін, су айдындарының табиғи өсімін молайту жағдайларын жақсартуға және  балық өнімділігін арттыруға  бағытталған өзге де жұмыстарды орындауына мемлекеттік бақылауды жүзеге асырады. Қара Ертіс өзенінің  оң жағалауы аумағында Қытай Халық Республикасының шекарасынан Зайсан  өзеніне дейін, Зайсан өзенінің оң жағалауы бойымен Қарақас учаскесіне дейін, Бұқтырма су қоймасында Тораңғы  шығанағын қоса алғанда, Қарақас учаскесінен Казнаковка өткеліне дейін, сондай-ақ Күршім өзенін қоса алғанда, жағалауға жанаса жатқан аудандардың  ішкі су айдындарында  балық қорғау жұмыстарын жүзеге асырады. Тұрғындар арасында  балық қорғау заңнамасы бойынша түсіндіру жұмыстарын жүргізеді.

6. Зайсан инспекциясы бөлімі. Орналасқан орны ШҚО Тарбағатай ауданы, Тұғыл ауылы.

Инспекцияның құрылымдық бөлімшесі болып табылады. Қызметкерлер саны 9 адам. Бөлім Инспекцияның құзыреті шегінде бақылауындағы су айдындарында табиғатты пайдаланушылардың балық қорын қорғау, өсімін молайту және пайдалану жөніндегі шарттық міндеттемелерін, су айдындарының табиғи өсімін молайту жағдайларын жақсартуға және  балық өнімділігін арттыруға  бағытталған өзге де жұмыстарды орындауына мемлекеттік бақылауды жүзеге асырады. Қара Ертіс өзенінің  сол жағалауы аумағында Қытай Халық Республикасының шекарасынан Зайсан  көліне дейін, сондай-ақ Зайсан көлінің сол жағалауы бойымен Ұлтарақ мүйісіне дейін, жағалауға жанаса жатқан аудандардың  ішкі су айдындарын  қоса алғанда, балық қорғау жұмыстарын жүзеге асырады.

Инспекциямен 7 мемлекеттік қызмет көрсетіледі:

Жануарлар дүниесі және аңшылық шаруашылығы бөлімімен 3 мемлекеттік қызмет көрсетіледі:

1.     Жануарларды интродукциялауды, реинтродукциялауды және будандастыруды жүргізуге рұқсат беру.

2.     Саны реттеуге жататын жануарлар түрлерін алып қоюға рұқсат беру.

Балық шаруашылығы бөлімімен 4 мемлекеттік қызмет көрсетіледі:

1. Жануарларды интродукциялауды, реинтродукциялауды және будандастыруды жүргізуге рұқсат беру.

2. Балық шаруашылығы су айдындарында және (немесе) учаскелерінде, сондай-ақ балық аулау үшін тыйым салынған орындарда балық аулау үшін тыйым салынған кезеңде кеме қатынасының тәртібін келісу

3.Су тарту құрылыстарының балық қорғау құрылғыларын орнатуды келісу.

4. Балықтың қайдан ауланғаны туралы анықтама беру.

  Шығыс Қазақстан облысындағы аң аулайтын алқаптарды бекітіп беру жөнінде өткізілген конкурстың хаттамасы

Парақтың құрылған/өзгертілген күні: 15.12.2011 / 26.04.2018