Әкім

Лауазымы: ШҚО әкімі

Ахметов Даниал Кенжетайұлы

1954 жылы 15 маусымда Павлодар қаласында дүниеге келген.

1976 жылы Павлодар индустриалды институтын бітірген. Мамандығы бойынша инженер-құрылысшы.
Экономика ғылымының докторы, Қазақстан Республикасы Минералды ресурстар академиясының академигі.  

Еңбек жолы:

1976-1981 жж. - «Павлодар тұрғынқұрылыс» тресінде мастер;

1981–1983 жж. - Екібастұз қалалық партия комитетінде нұсқаушы;

1983–1987 жж. - «Екібастұзшахтақұрылыс» комбинатында бас инженердің орынбасары, партком хатшысы;

1987–1991 жж. - Екібастұз қалалық атқару комитеті төрағасының орынбасары;

1991-1992 жж. - «Екібастұз энерготұрғынөндірісқұрылыс» трестінің басқарушысы;

1992-1993 жж. - Екібастұз қалалық әкімшілігінің басшысы;

1993-1997 жж. – Әкімшілік басшысы, Павлодар облысының әкімі;

12.1997-10.1999 жж. - Солтүстік Қазақстан облысының әкімі;

10.1999-21.12.2000 жж. - Қазақстан Республикасы Премьер-Министрінің орынбасары;

21.12.2000-21.11.2001 жж. - Қазақстан Республикасы Премьер-Министрінің Бірінші орынбасар;

21.11.2001-13.06.2003 жж. - Павлодар облысының әкімі;

13.06.2003-08.01.2007 жж. - Қазақстан Республикасының Премьер-Министрі;

10.01.2007-17.06.2009 жж. - Қазақстан Республикасының Қорғаныс министрi;

12.2010 жылдан – Экологиялық энергетика саласындағы компаниялың басшысы;

2012-11.2014 жж. – Энергетика және инфрақұрылым министрі;

2014 жылғы 11 қарашада Шығыс Қазақстан облысының әкімі болып тағайындалды.

Марапаттары:

«Барыс» 2-і дәреже (2004), «Барыс» 3-і дәреже (1999), «Құрмет белгісі» (1986); «Қазақстан Республикасының Тұңғыш Президенті - Елбасы Нұрсұлтан Назарбаев» (2012) ордендері және «Астанаға 10 жыл» атты мерейтойлық медалі (01.07.2008).

ОБЛЫС ӘКІМІНІҢ БЛОГЫ

Лауазымдық міндеттері

Облысқа жалпы басшылық етуді  жүзеге асырады.

Мемлекеттік органдармен, ұйымдар және азаматтармен өзара қарым-қатынаста облыс мүддесін білдіреді.

Облыс шегінде жергілікті маңызы бар міндеттерді шешуді қамтамасыз ететін регулятивті, іске асыру және бақылау функцияларын жүзеге асырады.

Облыстың мүдделері мен қажеттіліктері есепке алынған атқарушы биліктің мемлекеттік саясатын жүргізуді қамтамасыз етеді.

Нақты нысаналы индикаторлар көрсетілген меморандумға қол қояды, оларға жоспарлы кезеңде бюджет қаражаты шегінде қол жеткізуді (орындауды) қамтамасыз етуге міндеттеледі.

Мынадай лауазымды тұлғаларды: Қазақстан Республикасының қолданыстағы заңнамасы нормаларына сәйкес  облыс әкімінің орынбасарларын, облыстық маңызы бар қалалар мен аудандар әкімдерін, облыс әкімі аппараты басшысын, облыс бюджетінен қаржыландырылатын атқарушы органдардың басшыларын, облыстың ішкі істер органдарының жергілікті полиция қызметі басшыларын қызметке тағайындайды және қызметтен босатады.

Облыс әкімінің орынбасарларына, облыстың қалалары мен аудандарының әкімдеріне, облыс әкімінің аппарат басшысына, облыстық бюджеттен қаржыландырылатын атқарушы органдар басшыларына Қазақстан Республикасының заңнамасына сәйкес жергілікті бюджеттерден қаржыландырылатын ішкі істер органдары қызметкерлеріне тәртіптік жауапкершілік шараларын қолдану мәселелерін шешеді.

Аудандық, облыстық маңызы бар қалалар  әкімдіктер мен  әкімдер жұмысын үйлестіреді.

Аудандар, облыстық маңызы бар қалалар әкімдері арқылы жергілікті өзін-өзі басқару органдарымен өзара іс-әрекеттеседі. 

Облыстық мәслихаттың бекітуіне әкімшілік-аумақтық бірлікті басқару сұлбасын енгізеді.

Ведомствоаралық сипаттағы мәселелер жөніндегі консультативтік-кеңесші органдардың дербес құрамын облыстық мәслихатқа ұсынады.  

Төмен тұрған әкімдердің  қызметін бақылауды жүзеге асырады.

Қазақстан Республикасының қорғаныс және Қорғаныс күштері, әскери міндет және әскери қызмет, жұмылдыру дайындығы және жұмылдыру, сондай-ақ азаматтық қорғаныс саласындағы мәселелер жөніндегі заңнаманың орындалуын ұйымдастырады және қамтамасыз етеді.

Қазақстан Республикасының уәкілетті мемлекеттік органдарымен қатар кәсіпорындарды, кенорындарын және басқа мемлекеттік меншік объектілерін жекешелендіру, жалға беру, сату мәселелері жөніндегі келісімшарттарға қол қою, сондай-ақ оларға бақылау жасауға қатысады.

Спорттық-бұқаралық, ойын-сауық, мәдени-бұқаралық iс-шаралар өткiзiлетiн орындарда шыны ыдыстағы өнiмдердi сату тәртібін айқындайды.

Қазақстан Республикасы Президентіне тиісті тұлғаларды мемлекеттік наградалармен наградтау, оларға құрметті және өзге де атақтарды беру туралы ұсыныстар  енгізеді.

Облыстық мәслихатқа «Облыстың Құрметті азаматы» атағын беру туралы ұсыныс енгізеді.

Облыс әкіміне ішкі аудит қызметінің бағыныштылығы мен есептілігі шеңберіндегі өкілеттіктерді жүзеге асырады.

Орталық атқарушы органдардың басшыларына орталық атқарушы органдардың аумақтық бөлімшелерінің заңдарды, Қазақстан Республикасы Президенті мен Үкіметінің актілерін, облыс әкімі мен әкімдігінің актілерін  орындау бөлігіндегі қызметі жөнінде ұсыныс береді. Орталық атқарушы органдардың аумақтық бөлімшелерінің заңдарды, Қазақстан Республикасы Президенті мен Үкіметінің актілерін орындау бөлігіндегі жұмысында кемшіліктерді  жоймаған жағдайда, Қазақстан Республикасы Президенті мен Үкіметіне тиісті қорытынды ұсынады.

Жергілікті полиция қызметінің алдына облыс аумағында құқықтық тәртіпті қамтамасыз ету жөнінде міндеттер қояды, олардың орындалуын бақылайды, жылына екі реттен сиретпей ішкі істер органдарының жергілікті полиция қызметі басшысының тиісті есептерін тыңдайды.

Өз құзыретiндегi мәселелер бойынша және облыстық әкiмдік құзыретiне жатқызылған мәселелер бойынша Қазақстан Республикасының Президентi мен Үкiметi алдында жауап бередi.        

Облыстық сотпен, облыстық прокуратурамен, ішкі істер, әділет министрліктерінің, Ұлттық қауіпсіздік комитетінің, Сыбайлас жемқорлыққа қарсы іс-қимыл жөніндегі Ұлттық бюроның (Сыбайлас жемқорлыққа қарсы қызмет) агенттігінің Шығыс Қазақстан облысы бойынша облыстық департаменттерімен, Қазақстан Республикасы Бас Прокуратурасының Құқықтық статистика және арнайы есепке алу комитетінің облыстық басқармасымен, облыс аумағында шоғырланған Қазақстан Республикасы Қарулы күштері құрамалары және бөлімшелерінің әскери басқару, Қазақстан Республикасы Ұлттық гвардиясы, Қазақстан Республикасы Ұлттық қауіпсіздік комитетінің шекара қызметі органдарымен, Қазақстан Республикасы «Сырбар» сыртқы барлау қызметімен өзара іс-қимылды жүзеге асырады.  

Мыналардың: облыстық бюджет комиссиясының, құқық бұзушылықтың алдын алу  жөніндегі ведомствоаралық комиссияның, сыбайлас жемқорлыққа қарсы күрес мәселелері жөніндегі комиссияның, терроризмге қарсы комиссияның, мемлекеттік символдар жөніндегі комиссияның, Шығыс Қазақстан облысында  мемлекеттік және басқа да тілдерді одан әрі дамыту жөніндегі үйлестіру кеңесінің, инновация және жаңа технологиялар жөніндегі кеңестің, Шығыс Қазақстан облысын индустриялық дамыту жөніндегі үйлестіру кеңесінің, діни бірлестіктермен байланыс жөніндегі кеңестің, жастар саясаты жөніндегі кеңестің төрағасы болып табылады.   

«Ертіс» әлеуметтік-кәсіпкерлік корпорациясы» ұлттық компаниясы»  акционерлік қоғамы директорлары кеңесіне басшылық етеді.  

Қазақстан Республикасының заңнамасына сәйкес өзге де өкілеттіктерді жүзеге  асырады.  

Облыс әкімі мен оның орынбасарлары арасында мынадай өзара алмасу белгіленеді:

Шығыс Қазақстан облысының әкімі

-

облыс әкімінің бірінші орынбасары

(арнайы  орынбасары)

 

 облыс әкімінің бірінші орынбасары

(арнайы  орынбасары) 

 

-

облыс әкімінің агроөнеркәсіп кешені мәселелері жөніндегі орынбасары

облыс әкімінің агроөнеркәсіп кешені мәселелері жөніндегі орынбасары 

-

облыс әкімінің экономика және қаржы мәселелері жөніндегі орынбасары 

облыс әкімінің экономика және қаржы мәселелері жөніндегі орынбасары

-

облыс әкімінің құрылыс, энергетика және тұрғын үй-коммуналдық шаруашылық мәселелері жөніндегі орынбасары 

облыс әкімінің құрылыс, энергетика және тұрғын үй-коммуналдық шаруашылық мәселелері жөніндегі орынбасары

-

облыс әкімінің әлеуметтік сала мәселелері жөніндегі орынбасары 

облыс әкімінің әлеуметтік сала мәселелері жөніндегі орынбасары

-

облыс әкімінің құрылыс, энергетика және тұрғын үй-коммуналдық шаруашылық мәселелері жөніндегі орынбасары

  Қабылдау телефоны: 57-85-80, 71-31-00
  Факс: 26-13-63

Парақтың құрылған/өзгертілген күні: 20.12.2011 / 24.03.2017