Облыста балалардың жағдайы

Жетім және ата-анасының қамқорлығынсыз қалған балалардың, соның ішінде интернатты мекеме тәрбиеленушілерінің құқықтарын қорғау 

Шығыс Қазақстан облысында 2735 жетім және ата-анасының қамқорлығынсыз қалған бала тұрып жатыр, соның ішінде 821 – 11 мемлекеттік мекемеде, 1914 бала қорғаншылықта (қамқорлықта), патронаттық тәрбиеде, баланы қабылдаушы отбасында.

Облыста соңғы 3 жылда жетім және ата-анасының қамқорлығынсыз қалған балалар саны 11,2%-ға (345), интернатты мекеме тәрбиеленушілерінің саны 23%  (242) азайды.

Жетім балаларға арналған ұйымдар санының азаюы, ең алдымен, қорғаншылық пен қамқоршылық, патронат, асырап алу, қабылдаушы отбасы сияқты отбасына орналастырудың баламалы түрлерін дамытумен байланысты.

Үш жылда интернатты мекемелердің 595 тәрбиеленушісі отбасына орналастырылды, соның ішінде 311 бала туған отбасына қайтарылды, 53 бала асырап алынды, 231 бала қорғаншылық пен қамқоршылыққа, қабылдаушы отбасына берілді.

Тәрбиеленушілер санының кемуіне байланысты жетім балаларға арналған ұйымдар саны 5 бірлікке азайды: 1 балалар үйі жабылды, 2 балалар үйі, 2 панажай қайта құрылды.

Көкейтесті мәселелердің бірі жетім және ата-анасының қамқорлығынсыз қалған балаларды тұрғын үймен қамтамасыз ету болып табылады.

Жетім және ата-анасының қамқорлығынсыз қалған балаларға қолдау көрсету мақсатында облыста 2011 жылы Жетім және ата-анасының қамқорлығынсыз қалған балаларды қолдаудың кешенді жоспары қабылданып, қазіргі уақытта ол республика бойынша насихатталуда.

Қазіргі таңда Кешенді жоспармен 2000-ға жуық жетім және ата-анасының қамқорлығынсыз қалған бала қамтылған, мемлекеттік органдар мен ұйымдар, орта және шағын бизнес кәсіпорындары, аймақтың ірі кәсіпорындары, екінші деңгейлі банктер, барлығы 1800 жуық кәсіпорын балаларға әлеуметтік-патронаттық қолдау көрсетуде. Патронаттық ұйымдар  балалардың есепшоттарына алдағы уақытта тұрған үй алу үшін 280 млн. теңге қаражат аударды. Кешенді жоспарды жүзеге асыру аясында 740 бала тұрғын үймен қамтамасыз етілді. 


Кәмелетке толмағандарды бейімдеу орталықтары. 

Облыс көлемінде кәмелеттік жасқа толмағандар арасында қанғыбастық пен қараусыздықтың алдын алу, жетім және ата-анасының қамқорлығынсыз қалған балаларды, арнайы білім беру мекемелеріне жолданған және қатыгездік салдарынан өмірлік қиын жағдайларға тап болған балаларды қабылдау, уақытша баспанамен қамтамасыз ету, өмірге бейімдеу және орналастыру мақсатында  Өскемен, Семей, Риддер қалалары мен Зырян ауданы, Жаңа Бұқтырма ауылында орналасқан 4 кәмелетке толмағандарды бейімдеу орталығы қызмет көрсетуде (жобалық қуаты 115 орын). 2019 жылдың басынан Кәмелетке толмағандарды бейімдеу орталықтарына 717 бала орналастырылды.

 

Арнайы білім беру мекемелері.

Облыс көлемінде 2 арнайы білім беру мекемесі қызмет көрсетуде: Зырян ауданы, Серебрянск қаласында орналасқан «Девиантты мінез-құлықты балаларға арналған облыстық арнайы мектеп-интернат» және Кокпекті ауданы, Үлкен Бөкен ауылында орналасқан «Шығыс Қазақстан облысының ерекше режимде ұстайтын арнайы мектеп-интернаты» КММ.  Екі мекеменің жобалық қуаты 170 орынды құрайды, бала саны - 50.

 

Мүмкіндігі шектеулі балалар.

Облыс бойынша 0-18 жас аралығындағы 15021 мүмкіндігі шектеулі бала тұрады, ол барлық баланың (361362) 4,1 % құрайды. Оның 3667 мектепке дейінгі, 11354 мектеп жасындағы бала. ШҚО 6 ауданаралық психологиялық-медициналық-педагогикалық консультация (әрі қарай-ПМПК) балалардың білімдік, медициналық және әлеуметтік қызмет алу  құқықтарын, олардың арнайы білім алу жағдайына мұқтаждығын анықтайды. Балалар ПМПК  жолдамасы бойынша 13 психологиялық-педагогикалық түзеу кабинетінде оңалту мен әлеуметтік бейімдеуден өтеді (724).

89 логопедиялық пунктте сөйлеу тілі бұзылған 1318 бала түзетумен қамтылған. Одан басқа мектепке дейінгі және мектеп жасындағы мүмкіндігі шектеулі балалар 18 арнайы білім беру (соның ішінде 6 мектепке дейінгі) ұйымдарында арнайы біліммен 2359 бала қамтылған.

Парақтың құрылған/өзгертілген күні: 06.02.2012 / 02.09.2019