Үштілділікті дамыту

2015-2019 жылдарға арналған үштілділік бойынша Кешенді жоспардың іске асуы туралы

2016 жылдан бастап облыста үш тілде білім беру мазмұнын енгізу бойынша ірі жоба іске асырылуда, оған жергілікті бюджеттен 2016-2018 жылдары 2,1 млрд. теңге бөлінді.

Бірінші кезеңде оқыту әдістемелері қайта қаралып, облыстың барлық мектептеріне (450 мың дана), оның ішінде қазақ және ағылшын тілдерінде – Кембридж жүйесінде жаңа оқулықтар сатып алынды.

Кіріс диагностикасы жүргізіліп, бірінші жылы тілдік пәндердің барлық 3400 мұғалімі, екінші жылы – 2400 мұғалім, ал 2018 жылы жеткен нәтижелерді ескере отырып – 1300 мұғалім оқытылды. Сонымен қатар 2018 жылы 200 пән мұғалімі (физика, биология, химия, информатика) ағылшын тілінен халықаралық емтихан тапсыра отырып, курстық дайындықтан өтті.

Екі жылдың ішінде мұғалімдердің 60% тілді оқыту мен әдістемесін меңгерудің жақсы деңгейін көрсетті.

Бастапқы кезеңде тілдік пән мұғалімдерінің 14% ғана тілдік құзіреттіліктерін жақсы деңгейде біліп, өз пәндерін кәсіби деңгейде меңгергендігін көрсетті.

Кіріс диагностикасы мұғалімдердің 4% тілді жақсы деңгейде меңгергендігін көрсетті. 2017 жылдың қорытындысы бойынша ТКТ халықаралық емтиханын тапсыру нәтижесі бойынша мұғалімдердің 44 % жақсы кәсіби деңгей көрсетті.

Жоғары нәтиже көрсеткен ағылшын тілінің 11 мұғалімі СЕLTA халықаралық сертификатына емтихан тапсырды. Аталған сертификат біздің мұғалімдерге халықаралық деңгейдегі тренер болу құқығын береді.

2018 жылы облыстың сертификатталған мұғалімдері әзірге білімдері базалық деңгейді көрсетіп тұрған 400 мұғалімді оқытты. Жақсы білімі бар қалған 300 мұғалім тікелей тіл тасымалдаушысынан оқытудан өтті.

СЕLTA сертификаты бар,   сертификатталған тренерлердің  оқытуы қосымша бюджеттік салымсыз жүргізілді.

2019 жылы халықаралық емтихан нәтижесі бойынша курсанттары жақсы деңгей көрсеткен тренерлерге материалдық қолдау көрсету қарастырылып отыр.

Республикамызда тұңғыш рет біздің облыстағы тілдік пән мұғалімдерін дифференциалды түрде материалдық қолдау жүргізілуде.

Халықаралық емтихан нәтижесі мен оқушылардың білім сапасына диагностика жүргізу нәтижесі бойынша 2017 жылы 12 мұғалімге 5,9 млн. теңге, 2018 жылы 18 мұғалімге 7,2 млн. теңге көлемінде қолдау көрсетілді. Бір реттік сыйақы көлемі 170 мың теңгеден 1 млн. теңгеге дейін.

 2019 жылдың сәуір айында көптілділік білімді дамыту бойынша жана Кешенді жоспар әзірленіп, 2019-2021 жылдары тікелей тіл тасымалдаушыларын тарта отырып, мектепке дейінгі, орта және кәсіби-техникалық білім берудің 3750 тілдік пән мұғалімдерін оқыту жоспарланып отыр. Бұл мақсаттарға жергілікті бюджеттен 1 млрд. тг. дейін (3 жылға) қаржы бөлу жоспарланып отыр.

2019 жылдың 17 - 27 маусым аралығында диплом бойынша екінші «француз тілі» мамандығы бар 2018 жылдың желтоқсан айында курстан  өткен және жаңадан анықталған   27 мұғалімге біліктілік арттыру курстары ұйымдастырылды.

Жаңартылған білім беру мазмұнын енгізу шеңберінде жаратылыстану-ғылыми бағыттағы жекелеген пәндерді ағылшын тілінде оқыту бойынша жұмыстар жүргізілуде.

2018-2019 оқу жылының 1 қыркүйегінен бастап облыстың 71 мектебінде В1 мен В2 деңгейлі  434 мұғалімі пәндерді ағылшын тілінде жүргізеді және еңбекақыларына  қосымша 35 мың теңге алып отыр. Пилоттық мектептер «Биология», «Физика», «Химия» және «Информатика» пәндері бойынша қажетті биллингвалді оқулықтармен қамтамасыз етілген. 

Парақтың құрылған/өзгертілген күні: 01.02.2017 / 02.09.2019