Өзін –өзі тану

Шығыс Қазақстан облысы бойынша білім беру ұйымдарының «Өзін-өзі тану» РАББ атқарған жұмыстары туралы ақпарат

"Өзін-өзі тану" пәні бала тұлғасының қалыптасуындағы функционалдық маңызды пәндердің бірі болып табылады. Облыстағы барлық 655 мектептерде "Өзін-өзі тану" пәні ҚР БҒМ 04.09.2018 жылғы №441 бұйрығымен бекітілген Типтік оқу жоспарына Қазақстан Республикасы Үкіметінің 2012 жылғы 23 тамыздағы №1080 және 2016 жылғы 13 мамырдағы № 292 қаулыларымен бекітілген мемлекеттік жалпыға міндетті стандарттар негізінде аптасына 1 сағат , жылына 34 сағат көлемінде 1-11 сыныптан бастап оқытылады.

"Өзін – өзі тану" пәнін оқытуды облыстың 889 педагогы жүргізеді, оның ішінде 757 педагог жоғары білімі бар, 132 мұғалім арнаулы орта білімі бар, 33 мұғалім "Өзін-өзі тану мұғалімі" және "Әлеуметтік педагог және өзін-өзі тану мұғалімі" дипломы бойынша мамандығы бар, бұл пәнді жүргізетін облыс педагогтерінің жалпы санының 2,9% құрайды.

ҚР БҒМ "Бөбек" ҰҒПББО-да 2019 жылы қысқа мерзімді курстардан 6 өзін-өзі тану пәні мұғалімі өтті.

«Өзін-өзі тану» РАБ бағдарламасы бойынша «Бөбек» ҰҒПББСО базасында 14 өзін-өзі тану мұғалімі ұзақ мерзімді курстардан өтті. «Өзін-өзі тану» пәнінің ғылыми-әдістемелік негіздері" тақырыбында басшы кадрларға арналған курстан облыстың аудандық білім беру бөлімдерінің 6 басшысы өтті.

2019 жылдың маусым айында «Бөбек» ҰҒПББО базасында «Өзін-өзі тану» пәнінің 3 мұғалімі қысқа мерзімді курстан өтуі жоспарлануда.

2019 жылдың қаңтар айынан бастап «Өрлеу» БАҰО» АҚ филиалы Шығыс Қазақстан облысы бойынша педагогикалық қызметкерлердің біліктілігін арттыру институтында 17 педагог қысқа мерзімді курстан өтті.

Шығыс Қазақстан облысының білім басқармасы 1-12 ақпан аралығында облыстың барлық білім беру ұйымдарында «Өзін-өзі тану: Махаббат пен Шығармашылық педагогикасы» атты дәстүрлі онкүндікті өткізді. Онкүндіктің мақсаты-балалар мен жасөспірімдерді рухани-адамгершілікке тәрбиелеу, оқушыларды адами құндылықтар әлеміне тарту. Облыстың барлық білім беру ұйымдарында тәрбиелік ісшаралар ұйымдастырылды. Өзін-өзі тану онкүндік аясында облыстың білім беру ұйымдарында акциялар өткізілді. Көп балалы отбасынан шыққан, жартылай жетім балаларға қайырымдылық жасау мақсатында «Бір жасаған қайырымдылық – мың күніңе сауап»

Шығыс Қазақстан облысы «Шығыс» өңірлік орталығының жұмыс жоспарына сәйкес 2019 жылдың 4 сәуірде Ұлан ауданының Ново-Одесское аулының «Б. Ахметов атындағы орта мектебі» КММ базасында «Білім беру ұйымының тұтас педагогикалық үдерісіндегі «Өзін-өзі тану» пәнінің метапәндік рөлі» тақырыбында облыстық семинар өткізілді.

Семинарға қатысушылар Глубокое, Ұлан, Жарма аудандары және Өскемен, Семей, Риддер қалалары жалпы білім беретін мектептерінің өзін-өзі тану пәні мұғалімдері және әдіскерлері.

Семинар мақсаты Ұлан ауданындағы Өзін-өзі тану рухани адамгершілік бағдарламасын жүзеге асыратын пилоттық білім беру ұйымының жұмыс тәжірибесін тарату.

Семинар барысында «Сенім туралы», «Туған өлкенің табиғатын сақтауға үйренеміз», «Бейбітшілік пен келісім-адамзат жолы» тақырыптарында өзін-өзі тану пәнінен шебер сыныптары және Өзін-өзі тану пәнімен кіріктірілген дүниетану сабағы «Біз қалай тамақтанамыз?», Өзін-өзі тану пәнімен кіріктірілген орыс әдебиеті сабағы «А. Усачев «Судың бастауы қайда?», Өзін-өзі тану пәнімен кіріктірілген ағылшын тілі сабағы «Sports for all», «Қайырымдылық- жылы жүректен» мектепішілік ісшара ұйымдастырылды.

Жұмыс тәжірибесін көрсеткен педагогтар алғыс хаттармен марапатталды.

2019 жылдың сәуір–мамыр айларында Шығыс Қазақстан облысы білім басқармасы жалпы білім беретін орта мектептерінде «Өзін- өзі тану» пәні әлеміне виртуалды саяхат» атты көрмелер ұйымдастырылып өткізілді.

Көрменің мақсаты - барлық білім беру ұйымдарында «Өзін-өзі тану» пәні кабинеттері мен бұрыштарының талаптарға сай жабдықталуына назар аудара отырып, оқу-тәрбие процесін жүргізуге ыңғайлығын және оқу-әдістемелік құрал-жабдықтардың жеткілігін анықтау, кабинетер мен бұрыштар арқылы білім алушылардың шығармашылық қабілеттерін дамытуға жағдай жасау.

Көрме шеңберінде өзін-өзі тану кабинеттерінде «Өзін-өзі тану» республикалық ғылыми-әдістемелік журналының көрме-тұсаукесері, әдістемелік әдебиетпен кітап сөрелері, «Өзін-өзі тану» пәні әлеміне виртуалды саяхат» әдістемелік көрмесі, «Өзін-өзі тану еліне саяхат», «Жалпыадамзаттық құндылықтар» бұрыштары, «Өзін-өзі тану: махаббат пен шығармашылық педагогикасы» ақпараттық стендтері рәсімделді.

Өзін-өзі тану мұғалімдері ашық сабақтар, өзін-өзі тану кабинеттері бойынша экскурсиялар өткізді, барлық білім беру ұйымдарында «Жүректен жүрекке», «Менің отбасымның шығармашылығы» атты қолөнер көрмесі, «Менің әлемім» суреттер конкурсы ұйымдастырылды.

Көрмені өткізу туралы ақпарат Қазақстан Республикасы Білім және ғылым министрлігі Балалардың құқықтарын қорғау Комитетінің Facebook әлеуметтік желісі парақшасындағы «Іс-шаралар» бөліміндегі «Өзін-өзі тану» пәні әлеміне виртуалды саяхат» атты парақшасына және ШҚО білім басқармасының сайтына енгізілді. (https://bilimvko.gov.kz/ru/news-4356).

Парақтың құрылған/өзгертілген күні: 01.02.2017 / 02.09.2019