Сайлау

2006 жылғы 20 қазанда 49 аудан мен 10 облыстық маңызы бар қала әкімдерінің сайлауы өтті

Қазақстан Республикасы Президентінің «Қазақстан Республикасының аудандары, облыстық маңызы бар қалалары әкiмдерiнiң сайлауын өткiзу туралы» 2006 жылғы 6 маусымдағы Жарлығына және «Қазақстан Республикасының аудандары, облыстық маңызы бар қалалары әкiмдерiнiң сайлауын тағайындау туралы» Қазақстан Республикасы Орталық сайлау комиссиясының 2006 жылғы 22 тамыздағы қаулысына сәйкес 2006 жылғы 20 қазанда 49 аудан мен 10 облыстық маңызы бар қала әкімдерінің сайлауы өтті.

Сайлау науқаны барысында әкімдікке 150 кандидат ұсынылып, олардың 144-і тіркелді, 6 адам сайлауға қатысудан тіркеуге дейін бас тартты, 8 адам өз кандидатураларын тіркеуден кейін алып тастады және 1 кандидат бойынша аудандық сайлау комиссиясы тіркеу туралы шешімнің күшін жойды. Сайлауға барлығы 135 кандидат қатысты.

Әкімдер сайлауы таңдаушылардың, яғни мәслихат депутаттарының отырыстарында өткізілді.

Таңдаушылардың отырыстарында аудандардың, облыстық маңызы бар қалалардың сайлау комиссияларының төрағалары төрағалық етті.

Барлық сайлау рәсімдері, оның ішінде дауыс беру мен әкімдер сайлауының қорытындыларын айқындау «Қазақстан Республикасындағы сайлау туралы» Конституциялық заңға сәйкес жүзеге асырылды және таңдаушылардың, байқаушылар мен бұқаралық ақпарат құралдары өкілдерінің қатысуымен ашық, жариялы түрде өткізілді.

Тиісті аудандық және қалалық сайлау комиссиялары берген алдын ала деректерге сай таңдаушылардың келуі 99,1 %-ті құрады.

Дауыс беру барысын байқауды әкімдікке кандидаттардың 121 сенім білдірген адамы, саяси партиялар мен үкіметтік емес ұйымдардың 86 байқаушысы және бұқаралық ақпарат құралдарының 232 өкілі жүзеге асырды.

Барлық аудандар мен облыстық маңызы бар қалаларда әкімдер дауыс беруге қатысқан таңдаушылардың елу проценттен астам дауысын алғандықтан, бірінші турда сайланды.

Қазіргі әкімдердің ішінен кандидаттар ретінде 45 адам сайлауға қатысты. Дауыс беру қорытындылары бойынша ұсынылған қазіргі әкімдердің ішінен 39 аудан мен облыстық маңызы бар қала әкімі өз қызметінде қалды.

Аудандар мен облыстық маңызы бар қалалар әкімдері болып бірінші рет 20 адам сайланды. Қайта сайланғандар ішінде 17 әкім бұрын мемлекеттік қызмет жүйесінде жұмыс істеген, 3 әкім мемлекеттік емес меншік нысанындағы ұйымдарда қызмет атқарған.

Сайланған әкімдердің орташа жасы - 49 жас.

Аудандық және қалалық сайлау комиссиялары 2006 жылғы 24 қазаннан кешіктірмей, сайланған әкімді тіркеуге және оның тіркелгені туралы шешімді жоғары тұрған әкімге, сондай-ақ тиісті мәслихатқа беруге тиіс.

2006 жылғы 26 қазаннан кешіктірмей, сайлау қорытындылары туралы хабар жергілікті бұқаралық ақпарат құралдарында жариялануға тиіс.

Әкім мәслихат депутаттары мен аумақтық сайлау комиссиясы мүшелерінің қатысуымен мемлекеттік саяси қызметшінің антын берген сәттен бастап қызметіне кіріседі.

Қазақстан Республикасы
Орталық сайлау комиссиясының
Баспасөз қызметі
 

19.09.06 ж. республика бойынша аудан және облыстық маңызы бар қала әкімдеріне кандидаттардың ұсынылуы аяқталды.

Қазақстан Республикасының аудандары, облыстық маңызы бар қалалары әкімдерінің 2006 жылғы 20 қазанға тағайындалған сайлауын дайындау мен өткізу жөніндегі негізгі іс-шаралардың күнтізбелік жоспарына сәйкес 2006 жылғы 5-19 қыркүйек аралығында республиканың 59 ауданы мен облыстық маңызы бар қаласының әкімдігіне кандидаттарды ұсыну өткізілді.

Аумақтық сайлау комиссиялары әкімдікке кандидаттардың Қазақстан Республикасы Конституциясының 33-бабының 3-тармағында және Қазақстан Республикасының аудандары, облыстық маңызы бар қалалары әкiмдерiнiң сайлауын өткiзу ережесінде қойылатын талаптарға сәйкестігін қарауда.

Қазақстан Республикасының аудандары, облыстық маңызы бар қалалары әкімдігіне 148 кандидат ұсынылып, олардың төртеуі өз кандидатураларын алып тастады. Кандидат ретінде 16 азамат тіркелді.

• Әкімдікке екі кандидаттан 30 аудан мен 7 қалада ұсынылды.

• Әкімдікке үш кандидаттан 15 аудан мен 3 қалада ұсынылды.

• Әкімдікке төрт кандидаттан 3 ауданда ұсынылды.

• Әкімдікке бес кандидаттан 1 ауданда ұсынылды.

Әкімдікке кандидаттардың барлығының жоғары білімі бар. Кандидаттардың орташа жасы – 48 жас: ең үлкені – 60 жаста, ең жасы – 30 жаста. ¦сынылған кандидаттардың 5-і - әйелдер.

Қазіргі уақытта ұсынылған кандидаттарды тіркеу жалғасуда, ол 2006 жылғы 24 қыркүйекте аяқталады.

Қазақстан Республикасы
Орталық сайлау комиссиясының
Баспасөз қызметі

2006 жылғы 22 тамызда Қазақстан Республикасы Орталық сайлау комиссиясының отырысы болды, онда «Қазақстан Республикасының аудандары, облыстық маңызы бар қалалары екiмдерiнiң сайлауын өткiзу туралы» Қазақстан Республикасы Президентінің 2006 жылғы 6 маусымдағы Жарлығына сәйкес және Қазақстан Республикасының аудандары, облыстық маңызы бар қалалары үкiмдерiнiң сайлауын өткiзу ережесінің 3-тармағының негізінде Қазақстан Республикасының мынадай єкімшілік-аумақтық бөліністеріндегі:

• Ақмола облысының Ақкөл, Есіл, Жарқайың, Зеренді, Қорғалжың аудандары мен Степногор қаласының;

• Ақтөбе облысы Әйтеке би, Алға, Ырғыз жєне Ойыл аудандарының;

• Алматы облысының Балхаш, Қарасай, Кербұлақ, Көксу, Райымбек аудандары мен Текелі қаласының;

• Атырау облысы Қызылқоға жєне Мақат аудандарының;

• Шығыс Қазақстан облысының Абай, Бородулиха, Глубокое, Күршім, Шемонаиха аудандары мен Риддер қаласының;

• Жамбыл облысы Жамбыл, Қордай, Талас аудандарының;

• Батыс Қазақстан облысы Бөкейордасы, Қаратөбе, Сырым, Шыңғырлау аудандарының;

• Қарағанды облысы Ақтоғай, Осакаровка, Нұра аудандарының, Приозер, Сәтпаев және Теміртау қалаларының;

• Қызылорда облысы Арал және Жаңақорған аудандарының;

• Қостанай облысының Амангелді, Єулиекөл, Қамысты, Қарасу, Қостанай аудандары мен Рудный қаласының;

• Маңғыстау облысы Бейнеу ауданы мен Жаңаөзен қаласының;

• Павлодар облысының Қашыр, Май, Ұспен аудандары мен Екібастұз қаласының;

• Солтүстік Қазақстан облысы Ақжар, Қызылжар, Тайынша жєне Ғабит Мүсірепов атындағы аудандарының;

• Оңтүстік Қазақстан облысының Мақтаарал, Созақ, Түлкібас аудандары мен Арыс қаласының әкімдерін сайлауды 2006 жылғы 20 қазанға тағайындау туралы қаулы қабылданды.

Орталық сайлау комиссиясының қаулыларымен сондай-ақ Аудандар, облыстық маңызы бар қалалар әкімдерінің сайлауын дайындау мен өткізу жөніндегі негізгі іс-шаралардың күнтізбелік жоспары бекітілді жєне Қазақстан Республикасы аудандарының, облыстық маңызы бар қалаларының єкімдерін сайлау жөніндегі сайлау құжаттарының нысандары белгіленді.

Қазақстан Республикасы
Орталық сайлау комиссиясының
Баспасөз қызметі