Сайлау

ШЫҒЫС ҚАЗАҚСТАН ОБЛЫСЫНЫҢ ШЫҒЫП ҚАЛҒАНДАРДЫҢ ОРНЫНА АУДАНДЫҚ, ҚАЛАЛЫҚ МӘСЛИХАТҚА САЙЛАНҒАН ДЕПУТАТТАРЫ ТУРАЛЫ АҚПАРАТ (2008 ж. 5-қаңтардағы сайлау)

Риддер қалалық мәслихаты № 9 сайлау округі

Зайсан аудандық мәслихаты № 11 сайлау округі

Шемонаиха аудандық мәслихаты № 11 сайлау округі

ҚР Орталық сайлау комиссиясының сайлаушыларға үндеуі

Қазақстан Республикасы Орталық сайлау комиссиясының сайлаушыларға үндеуі

Құрметті сайлаушылар!

2007 жылғы 18 тамызда Қазақстан Республикасы Парламенті Мәжілісі депутаттарының кезектен тыс сайлауы және мәслихаттары депутаттарының кезекті сайлауы болады.

Қазақстан Республикасының Конституциясы Республика азаматтарына мемлекеттік органдарға сайлау және сайлану құқығына кепілдік береді. Сіздер өздеріңіздің сайлау құқығыңызды іске асыру мүмкіндігіне ие болу үшін сіздер сайлаушылар тізімдеріне енгізілуге тиіссіздер.

Нақты сайлау учаскесінде азаматты сайлаушылар тізіміне енгізу үшін оның осы сайлау учаскесінің аумағында тұрғылықты жері бойынша тіркелу фактісі негіз болып табылады.

2007 жылғы 2 тамыздан бастап тиісті учаскелік сайлау комиссиялары сайлау учаскелері бойынша сайлаушылар тізімдерін танысу үшін сайлаушыларға береді. Сонымен Сізге сайлаушылар тізімімен танысу, Сіз туралы енгізілген деректердің дұрыстығын тексеру, тiзiмге енгiзiлмегенiңіз, дұрыс енгiзiлмегенiңіз немесе тiзiмнен шығарып тасталғаныңыз, сондай-ақ тiзiмдегі Сіз туралы деректерде жаңсақтықтар жiберiлгенi үшiн, қажет болса, тиісті сайлау комиссиясына және сотқа шағымдану мүмкіндігіңіз қамтамасыз етіледі.

Біз барлық сайлаушыларды беріліп отырған құқықты пайдаланып, сайлаушылар тізімдерінде өздерін тексеруге шақырамыз.

Егер дауыс беру күні Сіз қандай да бір себептермен сіздің тұрғылықты жеріңіз оның аумағында тіркелген сайлау учаскесінің сайлаушылар тізімінде болмасаңыз, онда азаматтарды тіркеу кітабын және жеке басыңызды куәландыратын құжатыңызды көрсетуіңіз бойынша учаскелік сайлау комиссиясы Сізді сайлаушылар тізіміне енгізуге міндетті.

Егер Сізге сайлауға 15 күн қалғанда (2007 жылғы 2-18 тамыз аралығында), Сіз өзіңіздің болу орныңызды ауыстыратыныңыз белгілі болса, онда сіздің өтінішіңіз бойынша және жеке басыңызды куәландыратын құжатыңызды көрсеткен кезде учаскелiк сайлау комиссиясы сіздің тіркелген жеріңіз бойынша Сізге дауыс беру құқығын беретiн есептен шығару куәлігін табыс етедi. Дауыс беретін күнi дауыс беру құқығын беретiн есептен шығару куәлігіңізді және жеке басыңызды куәландыратын құжатыңызды көрсеткен кезде учаскелiк сайлау комиссиясы сіздің келген орныңыз бойынша Сізді сайлаушылар тiзiміне енгізедi.

Есептен шығару куәлігі мәслихаттардың депутаттарын сайлауда бір елді мекеннің шегінде орналасқан басқа сайлау округінде немесе басқа сайлау учаскесінде дауыс беруге қатысқысы келетін сайлаушыларға берілмейтінін есте сақтаңыздар.

Жоғалған есептен шығару куәліктері қалпына келтірілмейді және есептен шығару куәліктерінің телнұсқалары берілмейді.

Құрметті сайлаушылар! Дауыс беруге қатысу үшін сіздер жеке басты куәландыратын құжатты, яғни жеке куәлікті, уақытша жеке куәлікті, Қазақстан Республикасы азаматының төлқұжатын көрсетулеріңіз, ал шақыру бойынша әскери қызметін өтеп жүрген әскери қызметшілер әскери билетін көрсетулері қажет.

Сайлауда дауыс құқығын басқа бiреуге беруге және сол сияқты басқа адам үшiн дауыс беруге жол берiлмейдi.
Сіздерді 2007 жылғы 18 тамызда сайлау учаскелеріне шақырамыз!

Қазақстан Республикасы
Орталық сайлау комиссиясы
2007 жылғы 30 шілде
Астана қ.

Мұрағат

2006 ж.