| ДӘУЛЕТ СЕРІКБАЕВ АТЫНДАҒЫ ШЫҒЫС ҚАЗАҚСТАН
МЕМЛЕКЕТТІК ТЕХНИКАЛЫҚ УНИВЕРСИТЕТІ (ШҚМТУ)  Жоғары оқу орнының толық атауы Қазақстан Республикасының Білім және ғылым министрлігі «Д.Серікбаев атындағы Шығыс Қазақстан мемлекеттік техникалық университеті» Республикалық мемлекеттік қазыналық кәсіпорны Мекен-жайы
Қазақстан Республикасы, 070004,
Өскемен қаласы, Протозанов көшесі, 69 Интернет желісіндегі ШҚМТУ сайты
www.ektu.kz – Университет сайты
www.do.ektu.kz – Университеттің оқу-білім беру порталы
www.technopark.ektu.kz – «Алтай» аймақтық ғылыми-технологиялық парк порталы
www.fite.ektu.kz – ШҚМТУ ақпараттық технологиялар және энергетика факультетінің порталы
www.ektu.openet.kz – виртуалды институттың порталы Басшы туралы мәлімет
 Мұтанов Ғалымқайыр Мұтанұлы, қабылдау бөлмесінің тел.: (8-72-32) 26-28-89
Туған күні – 1957 ж. 27 наурыз
Ғ.М.Мұтанов, техника ғылымдарының докторы, профессор, 10-нан астам халықаралық академиялар академигі, IGIP Халықаралық инженерлік педагогика қоғамының Қазақстан ұлттық мониторинг комитетінің Президенті, IGIP Халықаралық мониторинг комитетінің мүшесі, Қазақстан инженерлік білім қоғамының Президенті, ЮНЕСКО Білімдегі ақпараттық технологиялар институтының Құрылтайшылар кеңесінің мүшесі (Париж). «Парасат» орденімен, «Қазақстан Республикасының тәуелсіздігіне 10 жыл» мерекелік медалімен, Халықаралық библиографиялық орталықтың (Кембридж) күміс медалімен, "The United Europe" (Оксфорд) Алтын медалімен, «ҚР-ның халыққа білім беру үздігі», «ҚР-ның еңбек сіңірген ғылым және техника қайраткері» белгілерімен марапатталған, ҚР ҰҒА-ның республика ғылымын дамытуға елеулі үлес қосқан және Қазақстан үшін басым болып табылатын бағыттар бойынша белсенді түрде ғылыми зерттеулер жүргізетін көрнекті ғалымдарға арналған гранттың, Қазақстан Республикасы Президентінің ерекше белгісінің иегері, дзюдо күресінен КСРО спорт шебері, Шығыс жекпе-жек күрестері қауымдастығының вице-президенті.
Ол 350-ден артық ғылыми жарияланымның, соның ішінде 10-нан астам монографияның, техникалық және әлеуметтік-экономикалық үдерістерді басқару аясындағы оқулықтардың, оқу құралдарының, әдістемелік әзірлемелердің авторы. Оның еңбектері АҚШ, Чехия, Швеция, Германия, Швейцарияда жарияланған. Ол 35-тен астам авторлық куәліктер мен патенттердің авторы. Ғ.М.Мұтанов жасанды интеллекті, сараптама жүйелерін қолдану негізінде техникалық және әлеуметтік-экономикалық салалардағы басқару бойынша ғылыми мектеп қалыптастырды. Екі ғылым докторы мен жиырмадан артық ғылым кандидатын дайындады.
«Нұр-Отан» халық-демократиялық партиясы облыстық саяси кеңесінің мүшесі. Ректорат
Бірінші проректор, т.ғ.д., профессор, ҚР Инженерлік академиясының академигі – Құлсейітов Жеңіс Оразханұлы
Қабылдау бөлмесінің тел.: (8-72-32) 26-67-85
ОӘІ проректоры, э.ғ.к., доцент – Линок Николай Николаевич
Қабылдау бөлмесінің тел.: (8-72-32) 24-54-29
ҒжХЫ проректоры, ф.-м.ғ.д., профессор – Темірбеков Нұрлан Мұханұлы
Қабылдау бөлмесінің тел.: (8-72-32) 26-05-40
Әлеуметтік мәселелер жөніндегі проректор, ф.ғ.д., доцент – Нәзбиев Жақсыгелді Дүсіпқанұлы
Қабылдау бөлмесінің тел.: (8-72-32) 24-89-59
Ректораттың жұмыс істеу кестесі:
Дүйсенбі – жұма 9.00 – 18.00
Сенбі 10.00 – 14.00
Қабылдау комиссиясының жауапты хатшысы, т.ғ.к., доцент – Колпакова Валентина Павловна
Тел.: (8-72-32) 54-03-54
Жоғары оқу орнына дейінгі дайындау орталығының директоры, ф.-м.ғ.к., доцент – Нұрқанова Райхан Оразбекқызы
Тел.: (8-72-32) 54-02-85
Іс қағаздарын жүргізу және қадағалау бөлімі бастығының м.а. – Шәріпханова Гүлжанат Мақсатқызы
Тел./факс: (8-72-32) 26-74-09, kanc_ekstu@mail.ru. Тарихи анықтама
Жоғары оқу орны КСРО Министрлер Кеңесінің 1958 жылғы 5 тамыздағы Қаулысымен және ҚазКСР Министрлер Кеңесінің 1958 жылғы 30 тамыздағы «Өскемен құрылыс-жол институтын құру туралы» Қаулысымен 1958 жылғы 1 қыркүйектен бастап құрылды. Жоғары оқу орны Үкіметтің 1996 жылғы 7 мамырдағы Қаулысымен Шығыс Қазақстан техникалық университеті болып қайта құрылды. Жоғары оқу орнының өтінімі бойынша ҚР Үкіметінің 1997 жылғы 3 қарашадағы Қаулысымен оған Дәулет Мірқасымұлы Серікбаевтың – Өскемен құрылыс-жол институтының тұңғыш ректорының есімі берілді. Университет өміріндегі маңызды уақиғалар
 2005 жылы Д.Серікбаев атындағы ШҚМТУ-не мемлекеттік аттестаттау комиссиясымен оң баға беріліп, 5 жылдық мерзімге аттестатталды, ҚР БҒМ-нің 10.11.2005ж. № 835 бұйрығы.
2007 жылы ҚР БҒМ-нің Білім және ғылым саласындағы қадағалау мен аттестаттау комитеті Қазақстан Республикасының білім туралы заңдарын сақтау бойынша ШҚМТУ қызметін тексеруді жүзеге асырды. Университет қызметі лицензиялық талаптарға сай деп танылды.
2007 жылы ҚР БҒМ-нің Ұлттық аккредитациялау орталығымен өткізілген Қазақстанның жоғары оқу орындарын тәуелсіз түрде сауалдамалау нәтижелері бойынша Д.Серікбаев атындағы ШҚМТУ Қазақстанның техникалық жоғары оқу орындары арасында жүргізілген рейтинг бойынша 2-ші орынға ие болды.
2006 жылы Қазақстанда алғаш рет «Бастау» студенттік технологиялық Бизнес-инкубаторы (СТБИ) құрылды, ол шағын кәсіпкерлікті дамытуда жастар бастамасын қолдаудағы инновациялық инфрақұрылым болып табылады.
2007 жылы Д.Серікбаев атындағы ШҚМТУ-нің «Бастау» СТБИ» жобасы 70 технологиялық қазақстандық жоғары оқу орындары арасында университеттік технологиялық бизнес-инкубаторлар желісін құруға бағытталған Start-up Kazakhstan республикалық конкурсында бірінші орын алып, жеңімпаз атанды.
«Бастау» СТБИ Республикалық бизнес-жоспарлар конкурсына «Ескірген компьютерлік техника паркін жаңғырту» атты жобасымен қатысып, 1-ші орынға ие болып, 50 мың АҚШ доллары мөлшерінде грант алды.
«Бастау» СТБИ-ын одан әрі дамыту үшін университет факультеттері негізінде студенттік конструкторлық, технологиялық және жобалық бюро (КТЖБ) желісі ашылды. ҒЗҚ АҚ Бақылау кеңесіне тапсыруға ұсынылған жобаларға тәуелсіз сараптама жасау үшін университеттің Студенттік ғылыми-техникалық Кеңесі (СҒТК) құрылды.
«АЛТАЙ-АЛЬЯНС» оқу-ғылыми-инновациялық-өндірістік кешені белсенді түрде дамуда, оның құрамына қауымдастық негізде аймақтың оқу, ғылыми, конструкторлық, өндірістік, қаржы және басқа да құрылымдары кірді. Гонконг университетімен және оның технопаркімен, Үрімші технопаркімен (ҚХР), Алматыдағы «Хьюлет-Паккард Интернейшнл Трейд Би.Ви» филиалымен, Томск қаласындағы «Технопарк» халықаралық іскерлік орталығымен, Пекиннің Халықаралық бизнес-инкубаторымен өзара кең ынтымақтастық құрылып жатыр.
Белоруссия-Қазақстан ғылыми-техникалық ынтымақтастық орталығы құрылды, оның мақсаттарының бірі «АЛТАЙ-АЛЬЯНС» үшін бірлескен технологиялық трансферт желісін құру болып табылады.
Инженерлік бейіндегі «ІРГЕТАС» ұлттық оқу-ғылыми-зерттеу инновациялық зертханасы құрылды.
2007 жылғы 19-20 мамырда «Алтай» технопаркі негізінде ҚХР және Шығыс Қазақстан облысының бизнес-топтарының қатысуымен форум өткізілді. Форум қорытындысы – ҚХР және Қазақстанның әр түрлі өнеркәсіптік және сауда ұйымдары арасындағы ынтымақтастық туралы келісім шарттарын жасасу болды.
«ҚазРЕНА» Қазақстанның компьютерлік ғылыми-білім желісін пайдаланушылар Қауымдастығының Аймақтық желілік операциялық орталығы (ЖОО) құрылды. «ҚазРЕНА» Қауымдастығы басқармасының шешімі Қазақстанның жоғары оқу орындары Қауымдастығымен және НАТО ғылыми комитетінің «Виртуалды жібек жолы» Жобасының басқармасымен қолданды. Осы гранттың құрамына Аймақтық желілік операциялық орталығына (ЖОО) арналған жабдықтардың толық жинақтамасы кіреді, бұл жинақтама Өскемен қаласының ғылым және білім ұйымдарының Интернеттен жедел түрде деректер алуын қамтамасыз етеді.
2007 жылғы 14-15 маусымда ШҚМТУ және «Алтай» технопаркі негізінде ҚР Президенті Н.Ә.Назарбаевтың қатысуымен XXVII Шетелдік инвесторлар форумы өткізілді.
2007 жылғы 29-30 маусымда Қазақстан Республикасының Білім және ғылым министрлігі өткізген Республикалық жаңашыл педагогтар форумында университет «Университет-технопарк» инновациялық жоғары оқу орнының қазақстандық үлгісінің және «Техникалық жоғары оқу орнын инновациялық университет етіп түрлендіру» атты ұжымдық монографияның тұсау кесер рәсімін өткізді.
2007 жылғы 20 шілдеде Д.Серікбаев атындағы ШҚМТУ негізінде «Қазақстанның инновациялық университеттерін қалыптастыру және дамыту проблемалары» атты Республикалық семинар-кеңесі өткізілді. ҚР-ның Білім және ғылым Министрі Ж.Түймебаев, облыс әкімі Ж.Кәрібжанов инвесторлардың, «Инжиниринг және технологиялар трансферті орталығы» АҚ өкілдерінің қатысуымен Жоғары технологиялар аймағының ашылуын өткізді.
2007 жылғы 26 тамыздан бастап 4 қыркүйекке дейін ШҚМТУ-нің 23 профессоры мен қызметкерінен құрылған делегация инновациялық технологиялар бойынша Шанхай форумына қатысу үшін ҚХР-на шақырылды. Форум Жапония, Корея, Франция, Германия, Финляндия, Индия және басқа да елдердің қатысуымен өтті.
2007 ж. қазан айында Новосібір қаласында Қазақстан және Ресей президенттерінің қатысуымен шекараға шектес аумақтар форумы өтті. «XXI ғасырдағы ғылым және білім» атты ғылыми симпозиум өткізілді. Форумға Қазақстан жағынан Д.Серікбаев атындағы ШҚМТУ делегациясы да қатысты. «Ғылымды қажетсінетін технологиялар саласындағы Ресей-Қазақстан ынтымақтастығының инновациялық әлуеті» атты көрмеде университет Сібір мемлекеттік геодезиялық академиясымен бірлесіп жасаған «Ресей мен Қазақстанның шекараға шектес аумақтарын тұрақты түрде дамытуды ақпараттық-картографиялық қамтамасыз ету» жобасын ұсынды, бұл жоба дипломмен марапатталды.
2007 ж. қазан айында Стамбулда инженерлік білім қоғамдарының халықаралық консорциумының бірінші ғалами Саммиті (IFEES) және Американың инженерлік білім қоғамының (ASEE) алтыншы Ғаламдық инженерлік білім Коллоквиумы өтті. Бұл жұмысқа үш қазақстандық жоғары оқу орнының ректорлары, профессорлары мен студенттерінен құрылған делегация қатысты: Д.Серікбаев атындағы ШҚМТУ, ҚарМТУ және М.Қозыбаев атындағы СҚМУ.
2006 жылы университеттің ең таңдаулы оқытушылары мен қызметкерлері 80 пәтерлі тұрғын үйден пәтер алды. Құрылымдық бөлімшелер
Д.Серікбаев атындағы Шығыс Қазақстан мемлекеттік техникалық университетінің құрамына төмендегі бөлімшелер кіреді:
-.тау-кен металлургиялық факультеті (ТКМФ), деканы Адрышев Айтқазы Қалиолдаұлы, тел.: (8-72-32) 54-03-52;
-.сәулет-құрылыс факультеті (СҚФ), деканы Наумова Вера Ивановна, тел.: (8-72-32) 54-02-55;
-. машинажасау және көлік факультеті (МКФ), деканы Плотников Сергей Викторович, тел.: (8-72-32) 54-02-31;
- ақпараттық технологиялар және энергетика факультеті (ФИТЭ), деканы Тұрғанбаев Еркен Мұқсынұлы, тел.: (8-72-32) 54-04-95;
-. экономика және менеджмент факультеті (ЭМФ), деканы Чикунов Олег Николаевич, тел.: (8-72-32) 54-06-68;
- «Алтай» аймақтық ғылыми-технологиялық паркі (АҒТП), директоры Гольцев Анатолий Григорьевич, тел.: (8-72-32) 54-02-64;
-.«Бастау» студенттік технологиялық Бизнес-Инкубаторы (СТБИ), директоры Шарапиев Тимур Сайлауханұлы, тел.: (8-72-32) 54-14-81;
-.«АЛТАЙ-АЛЬЯНС» оқу-ғылыми-инновациялық-өндірістік кешені (ОҒИӨК), ҒЗЖ және ИҚ орталығының директоры Гавриленко Олег Дмитриевич, тел.: (8-72-32) 26-91-68;
-. «ІРГЕТАС» инженерлік бейіндегі ұлттық оқу-ғылыми-зерттеу инновациялық зертханасы (ИБОҒЗИЗ), ҒЗЖ және ИҚ орталығының директоры Гавриленко Олег Дмитриевич, тел.: (8-72-32) 26-91-68;
- виртуалды институт (ВИ), директоры Земко Наталья Владимировна, тел.: (8-72-32) 54-03-39;
-.жоғары оқу орнынан кейінгі білім жетілдіру және білім берудің жаңа технологиялары институты (ЖООКБЖжББЖТ), директоры Антонов Валерий Александрович, тел.: (8-72-32) 54-02-28;
-.колледж, директоры Абросов Владимир Никифорович, тел.: (8-72-32) 54-00-36,
- әскери кафедра, бастығы Сақауов Әділет Балташұлы, тел.: (8-72-32) 27-17-51;
-. Зырян, Риддер, Семей, Курчатов, Алматы қалаларындағы қашықтықтан оқу технологиясын пайдаланып, студенттерді жалпытехникалық дайындау орталықтары.
Университетте 27 кафедра, соның ішінде 19 шығарушы кафедра бар.
Кадрлық әлует
Профессор-оқытушылар құрамының штаттық саны 655 адам, соның ішінде ғылыми дәрежесі мен атағы бар тұлғалар – 293 адам. Ғылым докторлары – 34, ғылым кандидаттары – 210, ШҚМТУ доценттері – 49 адам.
2005 жылдың қорытындылары бойынша 5 оқытушы, 2006 ж. – 7 оқытушы Қазақстан Республикасының «Жоғары оқу орнының ең үздік оқытушысы» мемлекеттік гранттарына ие болды.
Үкімет наградаларымен: Қазақстан Республикасының «Парасат» Орденімен университет ректоры, профессор Ғ.М.Мұтанов, «Құрмет» орденімен бірінші проректор, профессор Ж.О.Құлсейітов, тау-кен металлургиялық факультетінің деканы, профессор А.Қ.Адрышев, философия және адамның даму проблемалары кафедрасының профессоры Е.И.Григорьев марапатталды, «Астана» медалімен ғылым және халықаралық ынтымақтастық жөніндегі проректор Н.М.Темірбеков марапатталған.
Ғылыми, педагогтік және қоғамдық жұмыстағы елеулі жетістіктері үшін университеттің 20-дан астам оқытушысы «Қазақстан Республикасының Құметті білім қызметкері», 10-нан астам оқытушысы – «Қазақстан Республикасының ғылымын дамытудағы еңбегі үшін» кеуде белгілерімен марапатталған, 2 оқытушы – «Ы.Алтынсарин» кеуде белгісімен марапатталған.
БҒМ және басқа да министрліктер мен ведомстволар өткізетін конкурстарға 2007 жылы 32 инновациялық жоба жіберілді.
ШҚМТУ-нің алты оқытушысы Қазақстанның жоғары оқу орындарының алдыңғы қатарлы ғалымдары мен педагогтары тізіміне енгізілген.
Университеттің ПО құрамының және қызметкерлерінің еңбегін ынталандыру үшін 2003 жылдан бастап рейтингтік жүйе жұмыс істеп, жетілдіріп келеді. Кадрларды дайындау
Д.Серікбаев атындағы ШҚМТУ білім беру қызметін мемлекеттік және орыс тілдерінде күндізгі, сырттай оқу түрі бойынша (соның ішінде қашықтықтан оқу технологиясын қолданып) жоғары кәсіптік білімнің 43 мамандығы, бакалавриаттың 34 мамандығы, магистратураның 22 мамандығы бойынша және аспиранттық дайындықты 14 мамандық бойынша жүргізуде.
ЖООКБЖжББЖТ институты 50-ден астам бағдарлама бойынша жоғары білімі бар кадрлардың – өндіріс жұмыскерлерінің біліктілігін жетілдіруді және оларды қайта дайындауды жүзеге асыруда, колледж білім беру қызметін 11 мамандық бойынша жүргізуде.
Виртуалды институт өз қызметін ашық және қашықтықтан білім беру саласында жүзеге асырады, сондай-ақ қазіргі заманғы ақпараттық технологияларды және телекоммуникация құралдарын әзірлеп, оны білім беру үдерісіне енгізетін құрылым болып табылады.
Мектеп оқушыларына арналған жаңа білім беру жобасы – Виртуалды академия жұмыс істеуде, Жоғары сынып оқушыларына арналған «Жас талап-KZ» ғылыми-көпшілік журналы шығарылады.
Жоғары оқу орны студенттерінің контингенті 01.10.2007 ж. 12631 адам, соның ішінде күндізгі оқу түрі бойынша – 7731 және сырттай оқу түрі бойынша – 4900 студент. Мемлекеттік гранттар бойынша 3499 студент, ақылы негізде – 4232 және сырттай оқу түрі бойынша ақылы негізде – 4900 студент оқиды. Колледж оқушыларының контингенті – 1544 адам, соның ішінде күндізгі оқу түрі бойынша – 1080 және сырттай оқу түрі бойынша – 464 оқушы оқиды. Сапа деңгейін бағалау
Студенттер білімін қадағалау және оның сапа деңгейін бағалау үшін баллдық-рейтингтік жүйе енгізілген. Студенттер үлгерімінің нәтижелері электронды деректер қоры түрінде студенттер білімін аралық, ағымдағы және қорытынды бақылаудың автоматтандырылған жүйесінде сақталып өңделеді. Оқу үдерісі және студенттер білімінің мониторингісі оқыту және бақылау функцияларын бөлу қағидасы бойынша жүзеге асырылады. Сынақтамалар әзірлеу жөніндегі ғылыми-әдістемелік орталық және сынақтамалау бөлімі жұмыс істейді.
Университетте сапа менеджменті бөлімі құрылған. ИСО 9001/2000 халықаралық стандартына сәйкес сапа менеджменті жүйесі әзірленіп енгізілді, жоғары оқу орны білім беру бағдарламаларын халықаралық тіркеуге дайындалуда.
NQA-GLOBAL ASSURANCE (Ұлыбритания) компаниясы ИСО 9001:2000 халықаралық стандартына сәйкестілікті растайтын сертификат берді.
Университет біртұтас сапа менеджменті қағидаларына ауысу бойынша жұмысты жалғастыруда, бұл қағидалар үдеріс сапасын бағалауды ғана емес, сондай-ақ өнім сапасын бағалауды да ұйғарады.
2007 жылы Д.Серікбаев атындағы ШҚМТУ сапа аясындағы жетістіктер үшін берілетін «Алтын сапа» конкурсына қатысуға өтінім жасады.
2007 жылдан бастап «Кайдзен» атты табысты өзгерістер стратегиясы іске асырылуда. Ғылыми-зерттеу жұмысы
Университеттің зерттеу қызметі 35 ғылыми-зерттеу орталықтары, ғылыми-зерттеу және оқу-ғылыми-өндірістік зертханалар негізінде жүзеге асырылады.
Жыл сайын жоғары оқу орны 300-ге жуық ғылыми бағдарламалар, жобалар мен шаруашылық-шарт тақырыптарын орындайды. Орындалатын ғылыми және ғылыми-өндірістік қызметтердің жалпы көлемі жылына 110 млн. теңге сомасын құрайды.
Университетте тұрақты түрде республикалық және халықаралық ғылыми-техникалық конференциялар мен көрмелер өткізіледі, монографиялар, ғылыми еңбектер жинақтары, «ШҚМТУ хабаршысы» ғылыми журналы басылып шығарылады. «Мәскеу кен журналының» корреспонденттік пункті жұмыс істейді. Жыл сайын жоғары оқу орнының ғалымдары 1000-нан астам ғылыми мақала жариялап, өнертабыстарға 30-дан артық өтінім береді. Аспирантура
Жоғары оқу орны ғылымның бес бағыты (техникалық, Жер туралы ғылымдар, физика-математикалық, философиялық, филологиялық) және аспирантураның он төрт мамандығы бойынша жоғары оқу орнынан кейін кәсіптік білім алу құқығын беретін мемлекеттік лицензиясына ие:
01.01.06 - «Математикалық логика, алгебра және сандар теориясы»;
01.02.06 - «Машиналар, аспаптар және аппаратура динамикасы, беріктігі»;
01.04.07 - «Конденсацияланған күй физикасы»;
05.05.04 - «Жол, құрылыс және көтеріп-тасымалдайтын машиналар»;
05.13.06 - «Технологиялық үдерістер мен өндірістерді автоматтандыру және басқару»;
05.16.02 - «Қара, түсті және сирек металдар металлургиясы»;
05.22.10 - «Автомобиль көлігін пайдалану»;
09.00.11 - «Әлеуметтік философия»;
10.02.02 - «Қазақ тілі»;
25.00.11 - «Геология, қатты пайдалы қазбаларды іздестіру және барлау, минерагения»;
25.00.22 - «Геотехнология (жер асты, ашық және құрылыстық)»;
25.00.36 - «Геоэкология»;
05.13.10 - «Әлеуметтік және экономикалық жүйелердегі басқару»;
05.25.05 - «Ақпараттық жүйелер және үдерістер, информатиканың құқықтық аспектілері».
Университет жанында бірлескен КО 14.29.14 Диссертациялық кеңес екі ғылыми мамандық бойынша жұмыс істейді: 25.00.22 - Физика-техникалық, физика-химиялық, құрылыстық геотехнология және 25.00.36 - Геоэкология.
2006 жылы Д.Серікбаев атындағы ШҚМТУ Қазақстан-Британ техникалық университетімен және Қорқыт-Ата атындағы Қызыл-Орда мемлекеттік университетімен бірлесіп, «Инновациялық оқу бағдарламасы негізінде бизнес-білім құрылымын өзгерту» атты ТЕМПУС жобасына қатысты. Осы жоба шегінде Роберт Гордон университетінде (Ұлыбритания) PhD «Халықаралық бизнес» бағдарламасы бойынша – 2 адам, «Іскерлік әкімшілік ету магистрі» бағдарламасы бойынша – 4 адам, «Жоғары оқу орнында оқыту әдістемесі» магистрлік бағдарламасы бойынша – 11 адам оқиды. Инновациялық қызмет
Д.Серікбаев атындағы ШҚМТУ 2004 жылдан бастап инновациялық жоғары оқу орны моделін «Университет-технопарк» үлгісі бойынша іске асыруда. «Алтай» аймақтық ғылыми-технологиялық паркі жұмыс істеуде.
Жалпы көлемі 5000 текше метрге жуық технопарк ғимаратында инновациялық үдерістің барлық кезеңдерін, идеядан бастап, тәжірибелік үлгі жасау және оны сынаумен, инновациялық өнімнің ұсақ сериялы партияларын шығарумен аяқтағанға дейін, қамтамасыз ету үшін қажетті инфрақұрылым құрылған.
Технопаркте 16 ғылыми-зерттеу зертханасы және ғылымды қажетсінетін бірқатар шағын кәсіпорындар жұмыс істейді, бұлардың инновациялық қоржынында сомасы 1,2 млрд. теңге болатын 40-қа жуық жоба бар.
Еліміздің Президенті Нұрсұлтан Назарбаев 2005 жылы Өскемен қаласына жасаған сапары кезінде және «Алтай» технопаркіне барған уақытта «Университет-технопарк» үлгісі бойынша инновациялық жоғары оқу орны моделін және Жоғары технологиялар аймағын құруда университеттің ғылыми-педагогтік ұжымының күшін жоғары бағалады.
Университеттің инновациялық саясатын Стратегиялық даму және инновациялық қызмет орталығы әзірлеп, іске асыруда.
Инновациялық университет тұжырымдамасын іске асыру мақсатында университеттің ұйымдастырушылық құрылымы және басқару жүйесі өздігінен дамитын жүйелер қағидасы бойынша кластерлік тәсіл негізінде қайта құрылған. Сонымен қатар университет қызметінің барлық негізгі бағыттары бойынша жаңа матрицалық басқару құрылымы енгізілген, ол дәстүрлі сатылас байланыстармен бірге, деңгейлес байланыстарды да дамытады, бөлімшелер арасында өзара іс-қимылды жақсартып, әрі үйлестіре отырып, ұжымдағы демократияландыру қатынастарына жәрдемдеседі, оның әрбір мүшесінің шығармашылық белсенділігі мен жауапкершілігін арттырады.
2007 жылы «Алтай» технопаркі құрылысының екінші кезеңі басталды, технопарктің әкімшілік корпусын қайта құруды және өндірістік орталық салуды қаржыландыру үшін қаражат бөлінді.
2007 жылы «Техникалық жоғары оқу орнын инновациялық университет етіп түрлендіру: әдіснамасы және іс-тәжірибесі» атты ұжымдық монография басылып шықты / Ғ.М.Мұтановтың редакциясында – 480 бет /. Ол ғылыми, білім беру және өндірістік қызметті біріктіруге негізделген «Университет-Технопарк» инновациялық жоғары оқу орнының қазақстандық үлгісін әзірлеу, енгізу бойынша шетелдік және өз тәжірибесін зерделеу негізінде ұжымның еңбегін қорытындылау болып табылады.
Д.Серікбаев атындағы ШҚМТУ «Қазақстан Республикасының инновациялық жоғары оқу орны туралы ережені» және «Электронды оқулық» Мемстандартын әзірлеп, оған сараптама жасады.
ЮНЕСКО институтының білімдегі ақпараттық технологиялар жөніндегі өкілдігі ашылды.
2007 жылғы сәуір айында университетте жұмыс сапарыман «Нұр Отан» халық-демократиялық партиясының басшысы м.а., Ұлттық инженерлік академиясының президенті Бақытжан Жұмағұлов болып қайтты. Университетпен бірлесе отырып, ғылым, білім мен өндірістің қазіргі заманғы бірлескен нысанын құрайтын «Алтай» технопаркінде, инновациялық жобалар, келешекке арналған патенттік қабілеттілігі бар ғылыми әзірлемелер орындау үшін барлық жағдай жасалған, бұл қазіргі заманғы технопарктер үлгісі. Халықаралық ынтымақтастық
Д.Серікбаев атындағы ШҚМТУ серіктестіктері: Роберт Гордон университеті, Оксфорд университеті (Ұлыбритания), Ильменау университеті, Фрибург университеті, Дрезден университеті (Германия), Кембрий қолданбалы өнер және технологиялар колледжі (Канада), Вроцлав университеті, Вроцлав техникалық университеті (Польша), Г.В.Плеханов атындағы Ресей экономикалық академиясы, Томск мемлекеттік университеті, Красноярск мемлекеттік университеті, Новосібір мемлекеттік университеі, Новосібір мемлекеттік техникалық университеті, Екатеринбург университеті, Мәскеу сәулет өнері академиясы, Санкт-Петербург мемлекеттік техникалық университеті, Ползунов атындағы Алтай мемлекеттік техникалық университеті және т.б.
Халықаралық ғылым және білім бағдарламалары орталығы жұмыс істейді, мұнда білім бағдарламаларын іздестіру, оған қатысу үшін үміткерлерді іріктеу, құжаттарды ресімдеу жұмыстары жүргізіледі.
Университет Қазақстан Республикасында тіркелген әр түрлі шетелдік және халықаралық ұйымдармен және бағдарламалармен жұмыс істейді – ТЕМПУС-ТАСИС, ДААД, IAESTE және т.б.
Д.Серікбаев атындағы ШҚМТУ негізінде қаланған Қазақстан ұлттық мониторинг комитеті Халықаралық инженерлік педагогика қоғамының (IGIP) Қазақстан Республикасындағы өкілетті өкілі болып табылады. Профессор Ғ.М.Мұтанов Комитеттің Президенті болып тағайындалған. Комитет негізінде Орталық Азияның инженерлік жоғары оқу орнының халықаралық оқытушыларын дайындау орталығы жұмыс істейді. Тәрбие жұмысы
Университеттегі тәрбие жұмысын Әлеуметтік даму орталығы кураторлар институтымен бірлесіп, жүзеге асырады.
Тәрбие жұмысының негізгі бағыттары:
- тұлғаны рухани-адамгершілік, эстетикалық, дене тәрбиесі жағынан жетілдіру;
- патриоттық тәрбие беру, белсенді азаматтық ұстанымды қалыптастыру;
- салауатты өмір салтын қалыптастыру бойынша ұлттық бағдарламаны іске асыру;
- студенттік өзін-өзі басқару;
- құқықтық тәрбие және құқық бұзушылықтың алдын алу.
Университет жанында жастар ресурстық орталығы (ЖРО) құрылған, оның құрамына келесі құрылымдық бөлімшелер кіреді: Студенттік өзін-өзі басқару ұйымы, Студенттік кәсіподақ комитеті, Арт-Клуб, «ШҚМТУ студенттерінің жастар бірлестігі» БҚ, «Достар» Студенттік Ассамблеясы, төлқұжат үстелі, әскери есепке алу бөлімі, халықаралық студенттік бөлім, студенттік бухгалтерия.
ШҚМТУ Жастар ресурстық орталығы қалалық және аймақтық, сондай-ақ республикалық және халықаралық деңгейдегі жастар ұйымдарымен белсенді түрде ынтымақтастық құруда. Бұлардың арасында – Қазақстан студентттерінің Альянсы, саяси партиялардың жастар қанаты, облыстық пікір-сайыс орталығы және әр түрлі үкіметтік емес ұйымдар бар.
Университеттің Студенттік өзін-өзі басқару ұйымының кеңесі ЖРО ұйытқысы болып табылады, оның құрамына барлық студенттік құжаттарды ресімдеу және басқа да әкімшілік мәселелерді шешу үшін қажетті, «бір терезе» қағидасы бойынша жұмыс істейтін бөлімдер мен қызметтер кіреді.
ЖРО жастардың кәсіби дайындық, азаматтық ұстаным деңгейін арттыруға елеулі түрде ықпал ететін студенттік өзін-өзі ұйымдастырудың клуб сияқты нысандарын дамытуға жәрдемдеседі. 11 клуб пен комиссиялар құрылды.
Арт-клуб жанында вокалды-аспаптар ансамбльдері жұмыс істейді: «Бейбарс» тобы, «Монолит» тобы, «Дербес» тобы; әскери кафедраның офицерлер хоры; «МИР» вокалды-эстрадалық студиясы; хореографиялық ұжымдар: «Экстази» шоу-балеті, «Форме», «Ювента», «Ювента-2» шоу-топтары; халық аспаптары оркестрі, домбра оркестрі; ардагерлердің көркемөнерпаздар ұжымы; «Алтайские зори» вокалды ансамблі.
Тәрбие жұмысы шегінде Ел Президентінің Қазақстан халқына жыл сайынғы Жолдауларын, Президенттің «Инновация және білім арқылы – білім экономикасына» атты дәрісін түсіндіру және насихаттау жүргізіледі. Материалдық-техникалық база
Университеттің материалдық-техникалық базасына 15 негізгі нысан кіреді: 9 оқу-зертханалық корпус, 2 жатақхана, «Алтай» аймақтық ғылыми-технологиялық парктің корпусы, Зырян, Риддер, Курчатов, Семей қашықтықтан оқу элементтері бар жалпытехникалық дайындау орталықтарының корпустары, колледж корпусы және де, Бұқтырма су қоймасы жағалауында орналасқан «Простор» спорттық-сауықтыру лагері, 6 тамақтану пункті, медициналық қызмет көрсету пункті, 7 оқу залы бар кітапхана, жүгіру жолы бар стадион, 4 спорт залы, жайдақ ашық спорт ғимараттары, шеберханалар, гараждар және т.б. Университеттің барлық нысандарының жалпы аумағы 74922 текше метрді құрайды.
«Простор» спорттық-сауықтыру лагерінде оқытушылар мен студенттер демалып сауықтанады.
Еліміздің тұңғыш Президентінің аллеясы жасалды, университеттің тұңғыш ректоры Д.М.Серікбаевтың құрметіне мемориалдық тақта орнатылды, университеттің тарихи мұражайы, геологиялық мұражай, Абай клубы және Д.М.Серікбаев, Абай, Әл-Машани атындағы кабинеттер ашылды. Негізгі жетістіктер
«EuroEducation-2005» Халықаралық конференциясында Д.Серікбаев атындағы ШҚМТУ-мен іске асырылатын «Университет-технопарк» инновациялық жоғары оқу орнының үлгісі «The United Europe» Халықаралық наградасының иегері болды.
Халықаралық бағдарламаның сараптама кеңесінің қорытындылары негізінде «Қарқынды дамыған кәсіпорындар» номинациясы бойынша экономикалық басқару тиімділігі және әлеуметтік қамтамасыз ету аясындағы жоғары көрсеткіштері үшін Д.Серікбаев атындағы ШҚМТУ-не «Алтын құйма» наградасы тағайындалды.
Халықаралық іскерлік кеңесінің шешімімен Д.Серікбаев атындағы ШҚМТУ халықаралық сыйақысын – «Ұлттық экономика қолбасшысы–2006» Құрмет белгісін иеленді.
«Қазақстан мен ТМД елдерінің білім жүйесін ақпараттандыру» атты V-ші Халықаралық Форумында Д.Серікбаев атындағы ШҚМТУ «Ең таңдаулы е-университет» атағына ие болды. |
