www.akimvko.gov.kz | Бизнес

Сіздердің өтініштеріңізге сәйкес авторлық және сабақтас құқықтарды сақтау жөнінде тексерулер жүргізу, сонымен қатар Қазақстандық авторлық қоғамының айыппұл салу жағдайларының көбейіп кеткендігін хабарлаймыз.

Қолданыстағы заңнамаға сәйкес (ҚР Әкімшілік құқық бұзушылық туралы кодекстің 636-бабы) қоғамдық ұйымдардың тексеру жүргізуге құқығы жоқ екендігі Индустрия және сауда министрлігінің аталған деректер бойынша жүргізген тексерулеріне сәйкес анықталып, Әділет министрлігінің зияткерлік меншік құқықтары жөніндегі комитетімен расталған.

Қазақстан Республикасы Конституциясының 5-бабына сәйкес қоғамдық бірлестіктер ісіне мемлекеттің және мемлекет ісіне қоғамдық бірлестіктердің заңсыз араласуына, қоғамдық бірлестіктерге мемлекеттік органдардың қызметін жүктеуге жол берілмейді.

ҚР Үкіметінің 2004 жылғы 28 қазандағы № 1120 қаулысымен бекітілген Әділет министрлігінің Зияткерлік меншік құқықтары жөніндегі комитетінің ережесіне және «Авторлық құқық және сабақтас құқықтар туралы» ҚР Заңының 47-бабына сәйкес комитеттің құзырына мүлiктi құқықтарды ұжымдық негiзде басқаратын ұйымдардың жұмысына бақылау жүргізу кіреді.

Жоғарыда аталғандардың негізінде барлық кәсіпкерлерге аталған ақпаратты назарға алуды және Қазақстандық авторлық қоғамның заңсыз тексеру жүргізуіне және айыппұл салуға жол бермеулеріңізді сұраймыз.

Атқарушы өкімет органдарының шағын бизнесті қолдауға бағытталған шараларының нәтижесінде оның тұрақты және жағымды даму серпіні байқалады.
2008 жылғы І-тоқсанға дейінгі жағдай бойынша өткен жылдың сәйкес кезеңімен салыстырғанда тіркелген шағын бизнес кәсіпорындарының саны 555 бірлікке артты. Облыста барлығы 11405 шағын кәсіпорын бар. Әрекеттегі кәсіпорындардың саны 360 бірлікке артты, қазіргі уақытта олар – 8098. Шағын бизнес кәсіпорындарындағы жұмысшылардың саны 160217 адам. Шағын бизнес кәсіпорындарының тауарлар, жұмыстар және қызметтерді шығаруы 35,6 % артты. Жеке кәсіпкерлердің саны - 39330, 17,8 %-ға артты.

Әрекеттегі шаруа қожалықтарының саны 1385 бірлікке артты, 17639 бірлік деңгейіне жетті. Шаруа қожалықтарында 33,2 мың адам жұмыс істейді.
2008 жылғы І-тоқсанға дейінгі жағдай бойынша шағын кәсіпкерлік саласында 2193 жаңа жұмыс орны құрылды.

2008 жылғы облыстық бюджетте «Мемлекеттік инвестициялық саясатты іске асыру үшін «Шағын кәсіпкерлікті дамыту қоры» АҚ кредиттеу» бағдарламасы бойынша 100,0 миллион теңге қарастырылған.
ШҚО бойынша ЕДБ-ге қаражатты орналастыру бағдарламасы бойынша «Шағын кәсіпкерлікті дамыту қоры» АҚ-ның өңірлік филиалы ШКС-нің жалпы сомасы 2 900,0 млн. теңге 252 жобаны қаржыландырды.

2008 жылғы 1 сәуірге дейінгі жағдай бойынша «Ауыл шаруашылығын қаржылай қолдау қоры» АҚ-ның ШҚ филиалы Шығыс Қазақстан облысының ауыл халқына 2008 жылғы бюджеттен сомасы 2 млн. теңге шағын кредит берді.

Шағын кредиттік ұйымдар жүйесін кеңейту жөніндегі жұмыстар жүргізілуде. «Ауылшаруашылығын қаржылық қолдау қоры» АҚ-ң ШҚ филиалының қатысуымен Зырян, Ұлан, Үржар, Жарма және Катонқарағай аудандарында 5 шағын кредиттік ұйым тіркелді.
Облыстың қалалары мен аудандарында кредиттік серіктестіктер жұмыс істейді, Глубокое ауданында «Глубокое-Агро-Кредит» АКС 2008 жылдың басынан 10,3 млн. теңге 10 кредит берді. Зырян ауданында «Зыряновское» АКС 60,3 млн. теңге кредит берді.

Шағын кәсіпкерлік үшін ұсынған қаражат көлемі бойынша негізгі инвестиция көзі екінші деңгейдегі банктер болып табылады. Олар ШКС-не 5928 млн. теңге бөлді.
Кәсіпкерлерді өндірістік үйлермен қамтамассыз ету үшін 5 объект коммуналдық меншікке, 5 комуналдық меншік сенімгерлік меншікке берілді, ауыл шаруашылық өнімдерін сақтау пунктін, слесарлық цех, наубайхана, қоғамдық тамақтану орыны (асхана), халыққа қызмет көрсету, мәдени-спорттық орталықтар ашу жоспарланып отыр. Кәсіпкерлік қызметті ұйымдастыру үшін кәсіпкерлерге 351 жер учаскесі ұсынылды, пәтерді қайта жоспарлау үшін 62 рұқсат қағаздары берілді.

Облыста Бизнесті дамыту аймақтары құрылуда. Өскемен, Семей қалаларының, Глубокое, Бородулиха, Зайсан, Үржар және Шемонаиха аудандарының әкімдіктері Семей қаласында «Өндіріс», Өскемен қаласында «Өркен» (үш аудан: ЖМК, Каменный карьер, Овечий ключ) индустриялық аймақтарын және Бородулиха ауданында «Жезкент», Шемонаиха ауданында «Уба», Үржар ауданында «Бақты», Зайсан ауданында «Майқапшағай» шекара маңындағы сауда аймақтарын құру үшін жер учаскелері бөлінді.

Индустриялық аймақтар мен шекара маңындағы сауда аймақтарын құру үдерісін басқару үшін «Шығыс Қазақстан өңірлік бизнесті дамыту аймағы» АҚ құрылды.
2008 жылғы 1 сәуірге дейінгі жағдай бойынша индустриялық аймақтарда орналастыру үшін жалпы сомасы 13783,3 млн. теңгеге 28 жоба мақұлданды.
Шағын кәсіпкерлік инфрақұрылымын дамыту мақсатында шағын кәсіпкерлікті дамыту қорының өңірлік филиалының жанында Кәсіпкерлікті қолдау орталығы қызмет етеді. Орталық кәсіпкерлік қызметтің бухгалтерлік есеп, салық салу, заңгерлік және тағы да басқа мәселелер бойынша кеңестік қызметтерді көрсетеді. 2008 жылғы І-тоқсанда 79 кеңестік қызмет көрсетілді.

Өңірдегі әкімдіктердің көмегімен «КазАгроМаркетинг» АҚ-ң 16 кеңестік орталығы жұмысын жүзеге асыруда. «КазАгроМаркетинг» АҚ ШҚ облыстық филиалы оқыту, кеңес беру, баға туралы ақпарат ұсыну, бизнес-жоспар құру, ауылшаруашылық өнім өндірушілердің тауарын жылжыту бойынша қызмет көрсетеді.
Кәсіпкерлік және өнеркәсіп департаменті кездесулер, семинарлар, кеңестер мен конкурстар өткізуді қамтамасыз етеді.

Қазақстан Республикасы Үкіметінің 2008 жылғы 21 ақпандағы № 178 шағын және орта кәсіпкерлікті тексеруге мораторий туралы қаулының енгізілгеніне байланысты 2008 жылғы 18 наурызда Шығыс Қазақстан облысы әкімінің төрағалығымен құқық қорғау, бақылау-қадағалау органдарының, кәсіпорындар мен ұйымдарының басшыларының, қоғамдық ұйымдар мен БАҚ өкілдерінің қатысуымен кеңес өткізілді. Қалалар мен аудандардың әкімдері де осындай кеңестерді өткізді.

Құқық бұзушылықтар туралы мәлімет алу және уақытында шаралар қабылдау үшін БАҚ мен облыс әкімінің сайтында ШҚО кәсіпкерлік және өнеркәсіп департаментіндегі сенім телефоны туралы ақпарат жарияланған. Әрбір кәсіпкер аталған телефон арқылы қоңырау шала алады және Мораторийдің барысы туралы ақпарартты хабарлай алады немесе нақтылай алады.

2008 жылғы 19 наурызда Өскемен қаласында РФ Томск облысы делегациясының өңір Губернаторының басшылығымен келген сапары шеңберінде Шығыс Қазақстан облысы кәсіпорындарының көрмесі өтті. Өз кезегінде Томск тарапы «Томск облысы іскер топтарының экономикалық миссиясы» ынтымақтастыққа бағытталған кәсіпорын-жобалардың тұсаукесерін өткізді.

Тоқсан сайын шағын кәсіпкерлік қызметтің құқықтық жағдайын, мемлекеттік органдармен өзара қарым-қатынасын жетілдіру мақсатында, кәсіпкерлікті дамытуда әкімшілік кедергілерді жою жөніндегі жұмыс тобының отырысы өткізіледі.

ШҚО кәсіпкерлік мәселесі бойынша Сарапшылық кеңесінің жұмысы қамтамасыз етіледі. Ағымдағы жылда облыстық деңгейде кәсіпкерлердің мүддесін қозғайтын 1 НҚА қаралды. Өңірлік деңгейде 4 НҚА-не сараптама жүргізілді. Қалалар мен аудандардағы сарапшылық кеңестердің қызметін белсенді ету мақсатында Глубокое ауданында «Глубокое ауданының Агроодағы», Тарбағатай ауданында «Тарбағатай кәсіпкерлері» шағын және орта бизнес кәсіпкерлері», Шемонаиха ауданында «Шемонаиха агроөнеркәсіптік одағы» заңды тұлғалар бірлестігі тіркелді.